Azərinşaatservis MMC-nin Müşahidə Şurasının sədri Arif Həsənova məxsus 25 milyon manatlıq əmlak müsadirə olunub.

BUTA.TV Teleqraf-a istinadən xəbər verir ki, söhbət Bakının Binəqədi rayonu, Dərnəgül qəsəbəsi, 3105-ci Məhəllə, Naxçıvani küçəsi, 57C-də yerləşən ərazidən və onun daxilindəki qeyri-yaşayış obyektlərindən gedir.

Burada icarə əsasında bir sıra tanınmış şirkətlər fəaliyyət göstərir. Arif Həsənovun müsadirə olunan əmlakı dövlət hərracında satılacaq.

Qeyd edək ki, 2015-ci ildə Azərbaycan Beynəlxalq Bankından yüksək məbləğdə kredit götürərək qaytarmayan daha bir qrup şəxs həbs edilib. Onların arasında Azərinşaatservis MMC-nin Müşahidə Şurasının sədri Arif Həsənov, Azərinşaatservis MMC-nin təsisçisi olduğu “Trek İnvest” SC-nin direktor əvəzi Əli Əlişov da olub.

Elə həmin ildə “Azərinşaatservis”in Dərnəgüldəki ofisinin qarşısında maaşların verilməsi tələbi ilə fəhlələr tərəfindən aksiya keçirilmişdi. Maraqlıdır ki, aksiyada iştirak edən və 5 aydır maaşlarını ala bilməyən işçilər şirkətin Beynəlxalq Bankın sabiq rəhbəri Cahangir Hacıyevə məxsus olduğunu iddia edirdilər.

“Azərinşaatservis” 2015-ci ildə həbs edilən Müşahidə Şurasının sədri Arif Həsənov 1 il sonra azadlığa buraxılmışdı. Cahangir Hacıyev məhkəmədə ifadəsində "Azərinşaatservis"ə 2011-2012-ci illərdə 350 milyon manat kredit ayrıldığını açıqlamışdı.

• Polis olmaq istəyən qadınların nəzərinə!
• “Okuklu Holding”in qanunsuz tikinti cəhdi polis tərəfindən dayandırıldı
• 4 milyonluq dələduzluq: Daha bir nəfər azadlığa buraxıldı
• Taksidə gediş haqqı bahalaşdı - 10 faizlik artım
• Dollar çökür? – “Bank of America”dan TƏCİLİ açıqlama
• İlham Əliyev icra başçısını vəzifəsindən azad etdi
• Bələdiyyələrlə əlaqədar 14 cinayət işi açıldı
• İrandan 10 kq narkotikin keçirilməsinin qarşısı alındı