Bu gün TƏBİB-in icraçı direktoru Vüqar Qurbanov vəzifəsindən azad edildi. Hazırda səhiyyə camiəsində əsas müzakirə mövzusu onun yerinə kimin təyin olunacağıdır.

BUTA.TV xəbər verir ki, bu barədə Bakupost.az-a TƏBİB-ə yaxın mənbələrdən məlumat verilib.

Bildirilib ki, bu posta Bakı Şəhər Baş Səhiyyə İdarəsinin rəisi Elçin Əmirovun namizədliyi gündəmdədir.

Lakin mənbələr bildirir ki, Elçin Əmirovun hazırda “vurulan komanda”ya yaxın fiqur kimi qiymətləndirilməsi onun namizədliyinə münasibətdə müəyyən suallar yaradır.

Kuluarlarda bu səbəbdən onun postu alacağına tam əminlik olmadığı da qeyd olunur.

Elçin Əmirov Bakı Şəhər Baş Səhiyyə İdarəsinin rəisi vəzifəsinə 2021-ci ildə İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev əmriylə gətirilib.

Digər tərəfdən, əldə edilən başqa məlumatlara əsasən, yaxın günlərdə İcbari Tibbi Sığorta Agentliyində də ciddi kadr dəyişiklikləri gözlənilir. Bildirilir ki, qurumun strukturunda da yenilənmə aparılacaq və formalaşdırılacaq yeni idarəetmə modelinə TƏBİB-dən və ya icbari tibbi sığorta sistemindən kənar bir şəxsin gətirilməsi istisna olunmur.

Görünən odur ki, icraçı direktorun gedişi sadə kadr dəyişikliyi deyil, bütövlükdə səhiyyə idarəçiliyində yeni mərhələnin başlanğıcı ola bilər.

Qeyd edək ki, sədrin səlahiyyətlərinin icrası direktorun müavini Anar İsrafilova həvalə olunub.

• “Sevgilim olduğuna görə məni hamının qarşısında şallaqladılar”
• Sökdükləri divardan qızıl töküldü - Fotolar
• Azərbaycanda yaxın günlərdə zəlzələlər gözlənilir
• Böyükşor gölü niyə yaşıl rəngə boyandı? - Rəsmi
• “Bakıkart”la bağlı yeni qərar: Kartlar dəyişə bilər
• “Sea Breeze”də su nasosunda sıxılı qalan 4 yaşlı uşaq öldü - Yenilənib
• Qubadakı zəlzələ ilə bağlı FHN məlumat yaydı
• 40 yaşdan sonra işə qəbul problemi: Qanun qadağan edir...