Prezident İlham Əliyevin sərəncamı ilə təsdiq edilən “Bakı şəhərində və Abşeron yarımadasında su təchizatı, yağış və tullantı suları sistemlərinin təkmilləşdirilməsinə dair 2026−2035-ci illər üçün Dövlət Proqramı”na görə Azərbaycanda 245 min su sayğacı dəyişdiriləcək.

Belə ki, 2026−2030-cu illərdə 45 min yeni sayğacın quraşdırılması, 80 min smart və 165 min mexaniki tipli istismar müddəti başa çatmış sayğacın dəyişdirilməsi planlaşdırılır.

Bəs hazırda quraşdırılan ümumi sayğac sayı nə qədərdir? Su sayğaclarının nə qədəri mexaniki, nə qədəri smartdır? Dövlət Proqramında nəzərdə tutulan illər ərzində hamısının smart və ya mexaniki olması nəzərdə tutulurmu?

BUTA.TV xəbər verir ki, İri Şəhərlərin Birləşmiş Su Təchizatı Xidmətindən Bizim.Media-ya qurumun xidmət göstərdiyi 6 iri şəhər üzrə 1 273 143 sayğacın quraşdırıldığı bildirilib..

Bunlardan 1 060 072-nin mexaniki, 213 071-nin isə smart sayğac olduğu qeyd edilib.

“1 060 072 mexaniki sayğacdan 1 049 483-ü əhali, 10 589-u isə qeyri-əhali üçün quraşdırılıb. 213 071 smart sayğacdan 153 375-i əhali, 59 696-sı isə qeyri-əhali üçün quraşdırılıb”, - məlumatda vurğulanıb.

• Bu gecə hər ikisi meydana çıxacaq
• Pensiya və müavinətlərlə bağlı mühüm xəbər
• Daha bir azərbaycanlı Ukraynada həlak oldu
• Xəstəliyi ilə bağlı bunları yazdı - “Heç nə kömək etmir...”
• Şamaxıda Ağsu çayı daşdı - İnsanlar yollarda qaldı-Video
• Hidayət Heydərov tənqidlərə tatamidə cavab verdi - “Bezdirmisiniz”-Foto
• İkinci qəbul imtahanı asan olacaq? - Nuri
• Berlin 260 minlik ordu qurur - “Könüllülər bəs etmir, məcburi olacaq”