Bakıda minik avtomobili neft quyusuna düşüb.
“BUTA.TV” xəbər verir ki, hadisə Suraxanı rayonu ərazisində qeydə alınıb.
Sürücünün idarəetməsindən çıxan “Audi” markalı minik avtomobili texniki su ilə dolu olan quyuya düşüb. Maşındakı şəxslər ətrafdakıların köməyi ilə nəqliyyat vasitəsindən çıxarılıb.
Hadisənin hansı səbəbdən baş verməsi açıqlanmayıb.
***
“Avqustun 3-də saat 17:00 radələrində Quliyev Manaf İbrahim oğlu tərəfindən idarə edilən 10-VO-663 seriyalı "Audi" markalı avtomobil “Balakhani Operating Company LTD”nin giriş qadağan olunan hasilat ərazisinə daxil olub. Nəzarətdən çıxan avtomobil hasilat ərazisində texniki məqsədlə istifadə edilən 30 sm dərinliyində çalaya düşüb”.
Bu barədə “BUTA.TV”ya “Balakhani Operating Company LTD”dən bildirilib.
Açıqlamada qeyd edilib ki, “Balakhani Operating Company LTD”nin hadisə yerinə dərhal gələn Operativ Nəzarət departamentinin əməkdaşları avtomobili və içindəki sərnişinləri çıxarmağa kömək edib: “Hadisə yerində xəsarət alan olmayıb, şirkətin əmlakına ziyan dəyməyib, hasilat prosesi fasiləsiz davam edib. “Balakhani Operating Company LTD” vətəndaşlara girişi qadağan olunmuş ərazilərdə yerləşdirilən işarələrə riayət etməyə çağırır”.
Görüntüləri təqdim edirik:
- Dəmir yolunda təhlükəsizlik belə gücləndirilir - Foto
- Yalnış reklam və etiketləmə halları aşkarlandı - Video
- ATƏT sədri İçərişəhərdə - Foto
- O, hər kəsin şairi idi...
- “AzerGold” jurnalistlər üçün növbəti təlim və mediatur təşkil edib
- Şamaxı - İsmayıllı yolunda “Audi” yandı - Video
- "Qaçqınkom"dan yayılan videomüraciətlə bağlı açıqlama
- Avqustun 13-də Yerin cazibə qüvvəsi itəcək? – Rəsmi