Ötən il sentyabrın 25-də Xaçmazın Mürşüdoba kəndində 1973-cü il təvəllüdlü İlham Hüseynovu öldürən Orxan Hacıbəlyevin məhkəməsi yekunlaşıb.
“BUTA.TV” xəbər verir ki, Sumqayıt Ağır Cinayətlər Məhkəməsində 34 yaşlı O.Hacıbəlyevə hökm oxunub.
Məlum olub ki, Orxan qayınatasını bir yumruq zərbəsi ilə öldürüb. Belə ki, onlar ailə münaqişəsi zəmininə mübahisə ediblər. Orxan arvadını döydüyü üçün qayınatası ona irad bildirib və qızını niyə vurduğunu soruşub. Bu zaman onlar arasında münaqişə yaranıb.
Nəticədə kürəkən qayınatasının döş qəfəsinə yumruqla vurub. Zərbənin təsirindən kişinin qabırğası sınıb və ürəyinin aorta damarını zədələyib. Ağır xəsarət alan kişi daxili qanaxmadan ölüb.
Orxan Cinayət Məcəlləsinin 126.3-cü (qəsdən sağlamlığa ağır zərər vurma-ehtiyatsızlıqdan ölümlə nəticələndikdə) maddəsi üzrə təqsirli bilinib.
Məhkəmənin hökmü ilə ona 10 il həbs cəzası verilib.
- Ali Məhkəmənin hakimi təqaüdə yola salındı - Foto
- Bakıya yağış yağacaq
- Xocavəndə daha 27 ailə yola salındı
- Vüsal Aslanovdan yeni rəis - Təyinatları
- Özəl bağçalar hansı qaydada maliyyələşəcək?
- Qabırğası sınıb ürəyinə girmişdi - Kürəkəninə 10 il həbs verildi
- Məmmədnağı Əkbərov bu agentliyin sədr müavini oldu - Foto
- İki qardaş ölkənin birgə təşəbbüsü: ingilis dilində, pulsuz tədris... - Video