Azərbaycanın İrandakı səfirliyinə hücum bu ölkənin rəsmilərinin, diplomatlarının, generallarının, din xadimlərinin, deputatlarının və ekspertlərinin antiazərbaycan isteriyasının nəticəsidir.
BUTA.TV xəbər verir ki, bu sözləri “Atlas” Araşdırmalar Mərkəzinin rəhbəri Elxan Şahinoğlu bildirib.
Politoloq İranın bəzi bəyanatlarının fanatik dairələri azğınlaşdırdığını qeyd edib:
“İrandan Azərbaycan əleyhinə daima səslənən “Sərhədlərin dəyişdirilməsi qırmızı çizgimizdir”, “Zəngəzur dəhlizi olmamalıdır”, “Azərbaycan İsraillə əlaqələr qurmamalıdır” açıqlamaları qonşu ölkədəki fanatik dairələri azğınlaşdırıb. Əlbəttə, səfirliyimizə hücumun arxasında İrandakı erməni diasporunun dayandığı da istisna deyil. Məqsəd Azərbaycan-İran münasibətlərinin daha da gərginləşdirməkdir. Ona görə də soyuqqanlığımızı qorumaq şərtilə Tehrandan qatil və ya qatillərin arxasındakı güclərin və sifarişçilərin araşdırılmasını tələb etməliyik. Həmçinin, bu proses nəzarət altında saxlanmalıdır. Qırmızı çizgiləri aşan İran oldu”.
Qeyd edək ki, bu gün 8:30-da Azərbaycanın İrandakı səfirliyinə edilən silahlı hücum nəticəsində səfirliyimizin təhlükəsizlik xidmətinin rəhbəri Orxan Əsgərov şəhid olub, iki nəfər isə yaralanıb.
- Xersonda ardıcıl partlayışlar baş verdi
- Ronaldonun qolu "Əl-Nəsr"ə qələbə gətirdi
- Çində keçmiş məmur ölüm cəzasına məhkum edildi
- ABŞ-da Kosmik Akademiya yaradılacaq - Trampdan fərman
- Azərbaycanlıların olduğu gəmiyə dron hücumu edildi - Video
- İstanbulda ağır qəza: 2 ölü, 16 yaralı
- Mixail Fedorov İtaliya müdafiə nazirinin müşaviri oldu
- Rusiya "Episentr"ə zərbə endirdi: 17 yaşlı qız öldü