İran Xarici İşlər Nazirliyinin sözçüsü Nasir Kənani Azərbaycanın Tehrandakı səfirliyinə hücumla bağlı açıqlama verib.
BUTA.TV xəbər verir ki, o, dərhal hadisəyə polis və təhlükəsizlik qüvvələrinin müdaxilə etdiyini və hazırda dindirilən hücumçunun həbs edildiyini deyib.
“Ölkənin siyasi və təhlükəsizlik orqanlarının xüsusi tapşırığı ilə bu hərəkətin səbəbləri və basqın edənin məqsədinin müəyyənləşdirilməsi üçün məsələ yüksək prioritet və həssaslıqla araşdırılır”, - Kənani bildirib.
İran XİN sözçüsü Tehran polisinin hadisənin şəxsi və ailəvi məsələ zəminində baş verməsi ilə bağlı iddiasını təkrar edib.
Göründüyü kimi, İran hadisəni terakt kimi qiymətləndirmir, ailə-məişət müstəvisinə endirməklə gülünc açıqlamalara davam edir. Bu isə çox ciddi şübhələrə yol açır.
Qeyd edək ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir.
- Bayden də təbrik etdi: bəs, COP29-dan biz nə qazandıq?
- Türkiyə Bakıya böhtan atan jurnalisti qovdu
- Bayden Ukrayna ilə bağlı daha bir sensasion qərara hazırlaşır
- Kopırkindən sülhlə bağlı mühüm açıqlama: Moskva istəyir ki...
- Azərbaycana “petrostate” deyənlər, 2026-dən yeni ixrac olacaq
- ABŞ-dan “sürpriz”: Ərdoğan Putinə zəng etdi - Nə baş verir?
- Ermənilər azərbaycanlıların qəbiristanlığını dağıtdı - Video
- Ermənistana silah daşınır – MN narahatdır, çağırış etdi