Bu gün Azərbaycanın Tehrandakı səfirliyinə edilən silahlı hücum terror hadisəsi olmaqla yanaşı, İranın ölkəmizə qarşı yeni təhdidi kimi qiymətləndirilməlidir. Adı terroru maliyyələşdirən ölkələr siyahısında olan İranda baş verən hadisə Vyana Konvensiyası daxil olmaqla, beynəlxalq hüquq prinsiplərinin kobud şəkildə pozulması anlamına gəlir.
BUTA.TV xəbər verir ki, bu barədə millət vəkili Vüqar Bayramov qeyd edib.
Millət vəkili bildirib ki, Tehran bütün vasitələrdən istifadə edərək Azərbaycana qarşı təhdidləri gücləndirməyə çalışır:
“Son illər Azərbaycana qarşı düşmənçilik mövqeyi ilə seçilən İranda baş verən bu hadisə bir daha təsdiq edir ki, Tehran bütün vasitələrdən istifadə edərək ölkəmizə qarşı təhdidi gücləndirməyə çalışır.
Azərbaycan istər cənubdan, istərsə də digər istiqamətlərdən gələcək təhdidlərə cavab vermək gücündədir. Bütün bunlar ilə yanaşı, bir müddət öncə Yerevan ilə qardaşlaşan Tehran şəhərində son hadisə “qırmızı xətti”in keçildiyini bir daha təsdiq edir.
Allahdan dünyasını dəyişən həmyerlimizə rəhmət, yaralanan səfirlik əməkdaşlarına şəfa diləyirik”.
- Azərbaycanda sosial şəbəkədə açıq-aşkar silah SATIŞI - VİDEO
- Rusiyada əcnəbilərə aid 4,5 milyon sim-kart bloklanacaq
- Bu günlərdə iş və dərs olmayacaq - Siyahı
- MEDİA-nın təşkilatçılığı ilə təlimlər keçirildi – Foto
- Quterreş COP29-dan gözləntilərini açıqladı
- TDT-nin baş katibi Qazaxıstan xalqını təbrik etdi
- Hərbi vəzifəlilərin növbəti təlim toplanışı davam edir
- Sabah Bakının 4 rayonunda qaz olmayacaq