Ekologiya və Təbii Sərvətlər Nazirliyinin Milli Hidrometeorologiya Xidməti bayram günlərində bəzi rayonlarda gözlənilən hava proqnozunu açıqlayıb.
Xidmətdən BUTA.TV-a bildiriblər ki, martın 21-dən Qəbələ rayonunda bəzi yerlərdə havanın arabir yağıntılı olacağı gözlənilir. Martın 22-si axşam yağıntının tədricən kəsiləcəyi, martın 23-24-də havanın sabit keçəcəyi, mülayim yaz havası olacağı gözlənilir. Gecə və səhər saatlarında duman olacaq. Şərq küləyi əsəcək, sürəti saniyədə 5-10 metr təşkil edəcək. Havanın temperaturunun gecə 5-7°, gündüz 13-16° isti olacağı proqnozlaşdırılır.
Şahdağda (Qusar) gün ərzində havanın arabir yağıntılı olacağı, martın 21-i gündüz, martın 22-si gecə və səhər arabir qara keçəcəyi, axşama doğru tədricən kəsiləcəyi gözlənilir. Martın 23-24-də havanın sabit keçəcəyi, mülayim yaz havası olacağı proqnozlaşdırılır. Gecə və səhər saatlarında duman olacaq. Şərq küləyi əsəcək, sürəti saniyədə 3-8 metr təşkil edəcək. Havanın temperaturunun gecə 0-4° şaxta, gündüz 0-3° isti olacağı bildirilir.
İsmayıllı rayonunda martın 21-i səhərdən arabir yağış yağacağı, martın 22-si axşam tədricən kəsiləcəyi, 23-24-də havanın sabit keçəcəyi, mülayim yaz havası olacağı gözlənilir. Gecə və səhər saatlarında duman olacaq. Şərq küləyi əsəcək, sürəti 3-8 metr/saniyə təşkil edəcək. Havanın temperaturunun gecə 4-6°, gündüz 12-15° isti olacağı ehtimal edilir.
Lənkəran rayonunda martın 21-i səhərdən arabir yağış yağacağı, martın 22-si gündüz tədricən kəsiləcəyi, martın 23-24-də havanın sabit keçəcəyi, mülayim yaz havası olacağı proqnozlaşdırılır. Gecə və səhər saatlarında duman olacaq. Şərq küləyi əsəcək, sürəti 5-10 metr/saniyə təşkil edəcək. Havanın temperaturunun gecə 8-10°, gündüz 14-17° isti olacağı ehtimalı var.
Şəki rayonunda hava əsasən yağmursuz keçəcək. Lakin martın 21-i gündüzdən martın 22-si gündüzədək bəzi yerlərdə arabir yağıntılı olacağı gözlənilir. Martın 23-24-də havanın sabit keçəcəyi, mülayim yaz havası olacağı ehtimal edilir. Gecə və səhər saatlarında duman olacaq. Şərq küləyi əsəcək, sürəti saniyədə 5-10 metr təşkil edəcək. Havanın temperaturunun gecə 7-9°, gündüz 13-16° isti olacağı gözlənilir.
- Aeroport yolunda hərəkətə yenidən məhdudiyyət qoyuldu
- Mehdiyevin Rusiyaya zəngi: DTX yeni gizlinləri açıqladı
- Kəmaləddin Heydərovun 3 müavini eyni vaxtda niyə işdən çıxarıldı? - DETALLAR
- Kəmaləddin Heydərovun 3 müavini qəfil işdən çıxarıldı - SON DƏQİQƏ
- Kamran Eyyubova söz keçirə bilən yoxdur? - Qurban Qurbanov da dilə gəldi
- Prezidentdən erməni nümayəndəyə kəskin cavab - VİDEO
- Mühüm dəyişiklik: Maydan ödənişlər tam veriləcək - Video
- Məşhur "Pitomnik bağı" ləğv edilir? - Rəsmi