Azərbaycan Ordusu Qarabağa intensiv silah daşınmalarının qarşısını almaq üçün Laçının Cağazur və Zabux kəndləri arasındakı bir sıra hakim yüksəklikləri nəzarətə götürüb. Paralel olaraq bir sıra əsas və yardımçı yollar, həmçinin sərhəd boyunca uzanan geniş ərazilər də Azərbaycanın nəzarətindədir.

Bu sözləri BUTA.TV-a açıqlamasında hərbi ekspert Ədalət Verdiyev deyib.

Hərbi ekspert nəzarətə götürülən ərazilərdə həm də sərhəd-keçid məntəqəsinin qurulacağını vurğulayıb:

“Xatırlatmaq istəyirəm ki, işğal və sonrakı dövrdə ermənilər Laçından Qarabağa daşınmaları da məhz Zabuxdan keçən yol vasitəsilə aparıb. Artıq bu yol tamamilə Ordumuzun nəzarətindədir. Yəqin yaxın müddətdə həmin ərazilərdə sərhəd-keçid məntəqəsinin qurulmasını da müşahidə edəcəyik. Bu irəliləmə suveren ərazilərimizə nəzarəti təmin edir, eyni zamanda, Gorus istiqamətində Ermənistan ordusunun manevrlərini izləmək imkanı verir. Əsas məsələ isə odur ki, artıq Azərbaycan əsgəri iki ölkə sərhədindəki ərazilərimizə özü nəzarət edəcək”.

• Azərbaycanda 50 min manatlıq yeni cərimə...
• “Müəllim niyə yazıq olsun ki, iş yeri, maaşı var...”
• Uşaqların sosial şəbəkələrdə qeydiyyatı ilə bağlı yeni tələblər
• Emin Ağalarovdan ev istədi, o isə saat hədiyyə etdi - Video
• Büdcə ilə bağlı qanun layihəsi III oxunuşda qəbul olundu
• Bu nəticələr narahatedicidir - Nazir
• Özünün və bacısının mənzilləri söküldü, ev verilmədi - Video
• 20 min müəllim... – Nazirdən şad xəbər