Xəbər verdiyimiz kimi, bu gün Prezident İlham Əliyevin fərmanı ilə Fövqəladə Hallar Nazirliyinin Su Ehtiyatları Dövlət Agentliyinin əsasında Azərbaycan Dövlət Su Ehtiyatları Agentliyi yaradılıb, “Azərsu” Açıq Səhmdar Cəmiyyəti və Azərbaycan Meliorasiya və Su Təsərrüfatı Açıq Səhmdar Cəmiyyəti yeni Agentliyin tərkibinə verilib.
BUTA.TV xəbər verir ki, Prezident İlham Əliyevin sərəncamı ilə Zaur Rauf oğlu Mikayılov Azərbaycan Dövlət Su Ehtiyatları Agentliyinin sədri təyin edilib.
Xatırladırıq ki, Z.Mikayılov ali təhsilini Türkiyənin Boğaziçi Universitetində alıb. O, 2009-2015-ci illərdə “Port Baku”nun baş meneceri olmaqla yanaşı, bir sıra yüksək vəzifələri icra edib. 2015-2016-cı illərdə “Paşa İnşaat”da, 2016-2018-ci illərdə isə "Agro Supply" MMC-nin direktoru vəzifəsində çalışıb.
Z.Mikayılov 2018-ci ilin noyabrından 2021-ci ilin yanvarına qədər Azərbaycan Supermarket MMC-nin direktoru vəzifəsində işləyib. Bu MMC-yə ölkənin ən böyük marketlər şəbəkəsi olan “Bravo” supermarketlər şəbəkəsi daxildir.
2021-ci il 5 apreldə Prezidentin sərəncamı ilə Meliorasiya və Su Təsərrüfatı Açıq Səhmdar Cəmiyyətinin sədri təyin edilib.
- “Təkcə 1 ixtisas seçmişdim” - 700 bal yığan Samir
- ABŞ İranla bağlı növbəti qərar...
- ABŞ Suriyanı bu siyahıdan çıxartdı
- Müharibənin dayandırılması üzrə plan hazırlanıb - Zelenski
- Ukrayna "Storm Shadow" raketləri istehsal edəcək
- Qırmızı dənizdə Səudiyyəyə məxsus tanker vuruldu
- İlk məktəbin yeganə məzunu idi - O da tələbə oldu
- Prezidentlə xanımını belə yola saldılar - Tarixi kadrlar