İranın Azərbaycandakı səfirliyi Azərbaycan Xarici İşlər Nazirliyinə etiraz notası təqdim edib.
BUTA.TV xəbər verir ki, bu barədə İran mediası məlumat yayıb.
Etiraz notasında İran Azərbaycanın bəzi media qurumlarının nalayiq və təhqiramiz hərəkətlərinin davam etməsindən narahatlığını bildirib: “İran bu prosesə son qoyulmasını və təzminat ödənilməsini (? – red.) tələb edir. Bundan əlavə, İran medianın bu əxlaqsızlığının davam etməsinin iki ölkə arasında gələcək münasibətlərə mənfi və zərərli nəticələri barədə xəbərdarlıq edir”.
Qeyd edək ki, İranın Azərbaycan mediasına qarşı bu cür iddiası və buna görə nota verməsi beynəlxalq diplomatiyaya qətiyyən uyğun deyil.
Əvvəla, Azərbaycana qarşı illərdir fəaliyyət göstərən, ölkəsində deyil, yalnız Azərbaycanda yayılan “Səhər” kimi bir kanalı maliyələşdirən Tehran ən azı bu fakta görə Azərbaycan mediasında hər hansı məqaləyə görə etiraz edə bilməz.
İkincisi, SEPAH-a bağlı media və Teleqram kanalları az qala hər gün Azərbaycana qarşı hədələyici videolar paylaşır, bir çox halda isə Azərbaycanın dövlət atributlarını təhqir edirlər. Azərbaycana qarşı bu cür təbliğat aparan, onu hər addımbaşı hədələyən bir ölkə Azərbaycanı ittihame tmək haqqını çoxdan itirib.
Üçüncüsü, mediada gedən məqaləyə görə hansı təzminatdan söhbət gedə bilər və bunun “formulu” nədir? Əgər İran səfirliyi hansısa media qurumunda gedən bəlli bir məqalədən narahatdırsa, ona özü cavab verə və yaxud məhkəməyə müraciət edə bilər. Buna görə “təxminat” anlayışı yalnız İranın ağlına gələ bilər.
Dördüncüsü, hər gün bir SEPAH komandirini Azərbaycan sərhədinə göndərib, Azərbaycanı hədələtdirən, qırıcısını Azərbaycanla sərhəddə uçurdan, 44 günlük savaşdakı zəfərimizdən sonra nədənsə 30 ildən sonra sərhədimizdə hər il hərbi təlim keçmək eşqinə düşən və bu təlimlərdə Araz çayından keçməyi məşq edən, düşmən ölkəni silahlandırıb, onun 44 günlük savaşın nəticəsi olaraq üzərinə götürdüyü öhdəliklərini icra etməsinə imkan verməyən, özünə heç bir aidiyyəti olmasa da, başqa bir ölkənin ərazisindən dəhliz açılmasına qarşı çıxan, ancaq nədənsə, Laçın dəhlizinin fəaliyyətini “qanuni” sayan və s. saymaqla bitməyən düşmənçiliklə məşğul olan İran Azərbaycan mediası və ictimaiyyətindən hansı təqdir, tərif gözləyir?
- Müharibənin dayandırılması ən düzgün addım idi, ancaq…
- Naxçıvanla quru bağlantısı təmin edildi - Prezident
- Prezident açıqladı: Onun da sonu yaxınlaşır…
- Ermənistana verilən silahların qiyməti… - Prezident
- Paşinyandan sülh açıqlaması: Hamınızı təbrik edirəm!
- İşıq və qaz qiymətlərində necə dəyişiklik olacaq? - Açıqlama
- Bu ərazilər Bakıya qaytarılacaq – Paşinyan açıqladı
- Səlcuq Bayraqdar yenə rekordu qırdı