Suraxanı dəmir yol stansiyasında narkotik vasitələr satan şəxslər saxlanılıb.
Bu barədə BUTA.TV-a Daxili İşlər Nazirliyindən məlumat verilib.
Qeyd olunub ki, Dəmir Yolu Nəqliyyatında Polis İdarəsinin Sabunçu Xətt Polis Şöbəsinin əməkdaşları tərəfindən həyata keçirilən əməliyyat nəticəsində Suraxanı dəmir yolu stansiyasında narkotiklərin qanunsuz dövriyyəsi ilə məşğul olan Aynur Zeynallı saxlanılıb.
Onun üzərindən və yaşadığı evdən ümumilikdə 21 büküm satış məqsədi ilə qablaşdırılan külli miqdarda heroin, marixuana və metamfetamin aşkar edilib.
A.Zeynallı narkotikləri tanışı Zaur adlı şəxsdən aldığını bildirib. Şöbə əməkdaşları tərəfindən keçirilən əməliyyat tədbirlərinin davamı olaraq həmin şəxs - paytaxt sakini Zaur Qurbanov da saxlanılaraq istintaqa təqdim edilib. O, ifadəsində narkotiklərin satışı ilə məşğul olduğunu və A.Zeynallıya da narkotikləri pul müqabilində verdiyini etiraf edib.
Faktla bağlı Sabunçu Xətt Polis Şöbəsinin İstintaq ve Təhqiqat Qrupunda araşdırmalar aparılır.
- Onlar İlham Əliyevdən öyrənməyə çalışırlar... - Markov
- Moskvadakı Azərbaycan diasporu buraxılacaq
- AB-nin sanksiya qoyduğu azərbaycanlı kimdir?
- AB-dən Azərbaycan şirkətinə qarşı sanksiya
- Netanyahunun masasındakı gizli plan: İranı 4 yerə bölür
- Bakı və İrəvan arasında sülh sazişi... - Tramp
- Ağdamdakı tarixi məsciddən - Video
- İlham Əliyev İraq prezidentinə başsağlığı verdi