Üsyan cəhdindən bir neçə gün əvvəl “Vaqner”in rəhbəri Yevgeni Priqojinə Müdafiə Nazirliyi ilə müqavilə imzalamaq zərurəti barədə məlumat verildi, lakin o bununla razılaşmadı.
BUTA.TV xəbər verir ki, bunu Rusiya Dövlət Dumasının Müdafiə Komitəsinin rəhbəri Andrey Kartapolov deyib.
O xatırladıb ki, qiyama cəhddən bir neçə gün əvvəl Müdafiə Nazirliyi döyüş tapşırıqlarını yerinə yetirən bütün birləşmələrin nazirliklə müqavilə imzalamalı olduğunu elan edib:
“Bundan sonra qərarı hamı icra etməyə başladı, cənab Priqojindən başqa hamı...”.
Kartapolov bildirib ki, Priqojinə bu halda “Vaqner” xüsusi hərbi əməliyyatda iştirak etməyəcəyi, yəni, heç bir maliyyə ayrılmayacağı haqda məlumat verilib:
“Bütün bunlardan sonra birincisi pul, ikincisi axmaq və hədsiz ambisiyalar, üçüncüsü həyəcanlı vəziyyət yaratdı. Bunlarsa birlikdə vətənə xəyanət cəhdi və yoldaşlarının aldadılmasıyla nəticələndi”.
- Rus politoloq Azərbaycanı bu sözlərlə hədələdi
- Zaxarovadan Azərbaycanla bağlı açıqlama
- Yekaterinburqda yeni Xocalı əməliyyatları aparılır
- Baş Prokurorluqda soydaşlarımızın ölümü ilə bağlı brifinq keçirilir
- Azərbaycanlıları öldürən OMON-çuların fotosu
- Rusiyanın miqrant şantajı: bu ölkələr də etiraza qalxacaq
- Şahin Şıxlinski sərbəst buraxıldı
- Azərbaycan Polisi 107 yaşında!