“Nabat” qrupu sentyabr ayının 23-də Türkiyədə keçiriləcək Güney Azərbaycan Mədəniyyət və Sənət Festivalına hazırlaşır. Qrupumuz “Təbriz gecəsi” səhnəsində yer alacaq.
Bu sözləri Kult.az-a “Nabat” qrupunun solisti Sara Mahmudpur qrupun Türkiyədə baş tutacaq konsert proqramı haqqında danışarkən deyib.
O bildirib ki, festivala az vaxt qaldığı üçün intensiv olaraq məşq və hazırlıq işləri görürlər:
“İlk dəfədir Türkiyədə çıxış edəcəyik. Ümumiyyətlə, qrupumuzun xaricə ilk səfəridir. Həyəcanlıyıq, hər gün məşq edirik, geyim seçirik. Əsas repertuarımızdır, onu da hazırlamışıq. Təbriz mahnıları oxuyacağıq. Çünki Türkiyədə bu mahnıları sevirlər, O taydan (Azərbaycan Respublikasından) olan mahnılarımız da var. Bizdən savayı, Təbrizdən başqa qruplar da festivala dəvət alıb. Onlarla mahnılarımız eyni olmasın deyə, bir-birimizlə təmas yaradırıq. Proqramı razılaşdırırıq ki, problem olmasın, türkiyəli tamaşaçılar qarşısında yüksək səviyyədə çıxış edək. Təbrizdən qadın qrupu olaraq biz gedirik. Çalışırıq ki, hamımız iştirak edək. Bizə maddi məsələlərə görə 4 nəfərin gedə biləcəyini dedilər, lakin beşimiz də getmək istəyirik”.
Sara Mahmudpur “Nabat” qrupunun yeni heyətindən də söz açıb:
“Qrupumuz Novruz bayramından sonra təzədən formalaşdı. İnsanlar yeni qrupumuzu çox bəyənir. Kliplərimiz, mahnılarımız haqqında xoş sözlər eşidirik. Son klipimizi milyonlarla insan izləmişdi”.
- Markovdan Yekaterinburqdakı hadisəyə reaksiya: Dəhşətdir
- Aleksey Overçukun Azərbaycana səfəri ləğv edildi
- Seyfəddin Hüseynli Rusiyadakı qardaşlarının qətlindən danışdı
- Azərbaycan Pakistana başsağlığı verdi
- Azərbaycanlılara hücum: Bakıya lazımi məlumat verilib - XİN
- Səbinə Əliyeva Rusiya Ombudsmanına məktub ünvanladı
- Bizi Ukrayna müharibəsinə göndərmək istəyirdilər...
- Azərbaycanlılara hücumun pərdəarxası: Kremlin planı nədir?