Azərbaycanın rus sülhməramlıların müvəqqəti məsuliyyət zonasında olan Xankəndi şəhərinə göndərilmiş rusiyalı milyarder Ruben Vardanyan “xeyriyyə aksiyasına” başlayıb.

BUTA.TV xəbər verir ki, bu barədə erməni mediası məlumat yayıb.

Bildirilir ki, R.Vardanyanın “Qarabağın təhlükəsizlik və inkişaf cəbhəsi” adlı “ictimai hərəkatı” bugündən sosial yeməkxanalar açır. Orada hamilə qadınlar, 16 yaşa qədər olan uşaqlar və 65 yaşdan yuxarı insanlara gündə bir dəfə pulsuz yemək veriləcək.

Vardanyanın ofisindən bildirilib ki, “sosial yeməkxana” xeyriyyə proqramı “qida ilə bağlı çətinlikləri” yüngülləşdirmək məqsədi daşıyır və “ehtiyacı olan soydaşlarımıza gündə bir dəfə yemək imkanı təklif edir”.

Maraqlıdır ki, bu təşəbbüsə qarşı elə erməni icması özü çıxış edib. Onlar bildiriblər ki, əgər qida çatışmazlığı varsa, Vardanyanın ofisi bu qidanı hardan əldə etdiyini açıqlasın:

“Yaxşı olardı ki, o qidalar mağazalara aparılsın və satışa çıxarılsın”.

• Nikol və Anna Zəngəzurda: Sisiyana helikopterlə uçdular - Video
• Nikolun Azərbaycanı təbriki və 2 erməninin sərhədi keçməsi…
• MİQRASİYA XİDMƏTİ DƏ SAHİBKAR “OVU”NA ÇIXIB – Bu “tələyə” düşən sahibkarlar kütləvi şəkildə cərimələnir
• Onunla görüşməyi özümə yaraşdırmıram - Şeyx
• Mask Medvedyevin zarafatına belə reaksiya verdi
• Ukrayna əməliyyat hazırlayır: Putinə rahatlıq olmayacaq
• İki azyaşlı erməni Azərbaycan ərazisinə keçdi
• Azərbaycanın yaşıl enerji siyasəti ölkənin əsas prioritetlərindən biridir