İranın Xorasan-Rəzəvi, Gülüstan və Mazandaran əyalətlərində baş verən toz fırtınaları həyatı iflic edib.
BUTA.TV xəbər verir ki, bu barədə yerli media məlumat yayıb.
İranın Ətraf Mühit Təşkilatının başçısı Əli Səlaciqə toz fırtınalarının Türkmənistandan qaynaqlandığını iddia etsə də, ekoloqlar bunu təkzib edib.
Tanınmış ekoloq Məhəmməd Dərviş mediaya açıqlamasında toz fırtınalarının yalnız 15 faizinin Türkmənistandan qaynaqlandığını, 85 faizinin mənbəyinin İran olduğunu deyib.
“Türkmənsəhrada (Gülüstan əyaləti) bütün su qaynaqları və göllər quruduğu üçün bu ərazilər toz fırtınalarının əsas mənbəyinə çevrilib”,- Dərviş bildirib.
Ekologiya və ətraf mühit üzrə mütəxəssis Mənsur Söhrabi də quraqlıq və toz fırtınalarının hakimiyyətin yanlış siyasətləri nəticəsində meydana gəldiyini, bunun qonşu ölkələrə də zərər vurduğunu deyib.
- Yas mərasimlərində ardıcıl zəhərlənmə: Səbəb...
- Bu məktəblərdə şagirdlər ali məktəbə hazırlanacaq
- Ucarda hemodializ alan 56 yaşlı şəxs müalicə zamanı öldü
- Əlilliyi olan 7424 şəxsə 297 min reabilitasiya vasitəsi verilib
- Sabah hava necə olacaq?
- ASAN İnnovativ İnkişaf Mərkəzi Şuşada təlim keçirib - Foto
- Bakının bu məktəblərində şagirdlər ali məktəbə hazırlanacaq - Siyahı
- Fələstinin baş naziri Fəxri xiyabanı ziyarət etdi