Ermənistan hakimiyyəti ilə qondarma rejimin “hakimiyyət orqanları” arasında səssiz münaqişə sosial müavinətlərin verilməməsi səbəbindən partlayışa səbəb ola bilər. 

BUTA.TV xəbər verir ki, bu barədə “Hraparak” məlumat yayıb.  Xatırladaq ki, separatçı “DQR”in “prezident”i Samvel Şahramanyanın keçirdiyi məsləhətləşmələrdən sonra Baş naziri Paşinyan Qarabağ ermənilərini cəzalandırmaq üçün onların sosial müavinətini kəsmək qərarına gəlib. 

“Artıq bir neçə gündür ki, hakimiyyətyönlü media “Artsax”a qarşı kampaniyaya başlayıb. İqtidar deyir ki, “Artsax rəhbərliyi” bu müddət ərzində büdcəni talayıb, ona görə də Qarabağ ermənilərinin sosial təminatını həyata keçirmək mümkün deyil. Hətta bu hücum o qədər güclü idi ki, dünən “Artsaxın informasiya qərargahı” elan etdi ki, “Artsaxın dövlət büdcəsi”ndə hələ də dondurulmuş 3,1 (7.6 milyon dollar) milyard dramlıq qalıq var və bu vəsait Ermənistan hökumətinin əli ilə "yoxa çııxb". Qərargah son hərbi əməliyyatlardan sonra büdcədən təxminən 463 milyon dramın (1.1 milyon dollar) xərclənməsi ilə bağlı ətraflı hesabat təqdim edib”. 

Nəşr iddia edib ki, Ermənistan hakimiyyəti qondarma qurumun “dövlət büdcəsi”nə yiyələnməklə separatçıları daha da sıxışdırmağı qarşısına məqsəd qoyub. Belə ki, S.Şahramanyanın sonuncu bəyanatları fonunda N. Paşinyan iqtidarı hər vəchlə Qarabağ separatçılarının qapısını bağlamaq niyyətindədir. Hətta iddialar var ki, Paşinyan və ətrafı 3.1 milyard drama yiyələnməklə Qarabağ ermənilərinin sosial müavinətlərinin verilməsinə əngəl olmaq istəyir. Bununla da Paşinyan özünə əks olan elektorat sayını Ermənistanda azaltmaqla əlavə başağrısından xilas olmaq məqsədi güdür. 

• Berbok Bakıda, görün, nələrlə məşuldur – İnanılmaz
• Milli Məclisdən Paşinyana cavab: Bu, ərazi iddiasıdır!
• COP29-da mühüm razılıq əldə olundu
• 70 kq qızılla saxlanılan diplomatın kimliyi bilindi
• Taksist qonağı hava limanından 139 manata gətirdi - DİN işə qarışdı
• Bakıda COP29 keçirilir, buna görə də… - Paşinyan
• 70 kq qızılla tutulan diplomat bu səfirlikdə işləyir - Bakıya gətirildi
• Bakıda keçirilən COP29-un bitəcəyi tarix açıqlandı