Abşeron Rayon İcra Hakimiyyətində həyata keçirilən həbslərin bəzi detalları məlum olub.

Belə ki, həbslər İcra Hakimiyyəti rəhbərliyinə qarşı yox, məhz İcra Hakimiyyətinin marağında olaraq bir nəfər vəzifəli şəxsə və onun qurduğu çevrəyə qarşı həyata keçirilib. Həmin şəxslər dələduzluqda və bir sıra cinayətlərdə şübhəli biliniblər. Əldə etdiyimiz məlumata görə, hazırda Abşeron Rayon İcra Hakimiyyətində vəziyyət normaldır. Bütün qurumlar funksional fəaliyyəti həyata keçirir.

***

‼️İcra Hakimiyyətindəki əməliyyatda tutulan şəxsin adı açıqlandı. Baş Prokurorluq Abşeron RİH-də keçirilmiş əməliyyatla bağlı məlumat yayıb.

“Qafqazinfo” prokurorluğun Mətbuat xidmətinə istinadən xəbər verir ki, Abşeron RİH başçısı aparatının ərazi idarəetmə və yerli özünüidarəetmə orqanları ilə iş şöbəsinin baş məsləhətçisi Mirqasım Mirişlinin qanunsuz əməllləri barədə daxil olmuş məlumat əsasında keçirilmiş əməliyyat-axtarış tədbirləri nəticəsində Baş prokuror yanında Korrupsiyaya qarşı Mübarizə Baş İdarəsində cinayət işi başlanıb.

Əməliyyat-istintaq tədbirləri ilə Mirqasım Mirişlinin Abşeron rayonu ərazisində kənd təsərrüfatı təyinatlı torpaq sahəsində tikinti işlərinin aparılmasına razılıq verilməsi və ümumi himayədarlıq göstərilməsi üçün ona müraciət etmiş vətəndaşdan tələb etdiyi 30 min manat pul vəsaitinin 25 min manat hissəsini rüşvət qismində almasına əsaslı şübhələr müəyyən edilib.

Həmin vəzifəli şəxs qeyd edilən rüşvət məbləğini vətəndaşdan alarkən cinayət başında yaxalanıb, onun xidməti otağı və avtomobilində aparılmış axtarışlarla iş üçün əhəmiyyət kəsb edən maddi sübutlar aşkar edilərək götürülüb.

Mirqasım Mirişliyə Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə etmə) və 311.3.3-cü (külli miqdarda rüşvət alma) maddələrilə ittiham elan edilərək barəsində məhkəmənin qərarı ilə həbs qətimkan tədbiri seçilib.

Hazırda cinayət işi üzrə əməliyyat-istintaq tədbirləri davam etdirilir.

• Qriqoryan Azərbaycana gəldi
• İrəvandan Zəngəzur açıqlaması: Dağlar dağıdılır, yol çəkilir
• Manaf Ağayevin oğlu işdən çıxarıldı
• SOCAR rəsmisi xaricdə otelə apardığı qadınla medianın gündəminə düşdü – FOTOLAR
• Ərdoğan onu İrəvana göndərir: Nələr tələb olunacaq?
• Buna görə Bakının tələbini qəbul etdim - Paşinyan
• Dəhlizdə Azərbaycan vətəndaşı yoxlanacaq? - Paşinyan
• Polşaya hücum: Putin qurbağanı qaynatmağa başladı