Canını ana vətən uğrunda fəda edən, qanıyla şanlı tarix yazan şəhidlərimizin xatirəsi müxtəlif tədbirlər xüsusi əlamətdar günlərdə, təhsil ocaqlarında və yerlərdə bir sözlə əlimizin çatıb ünümüzün yetdiyi bütün mötəbər yerlərdə ehtiramla yad edilir.
Yeni qurulan yuvaların ilk şad günü olan toylarda da öncə şəhidlərimiz dərin ehtiramla anılır, daha sonra toy məclisinə keçid baş verir. Bu ənənə İkinci Qarabağ müharibəsindən sonra geniş vüsət alıb. Demək olar ki, heç bir toy mərasimi bir dəqiqəlik sükut olmadan başlamır.
Yazıçı-kulturoloq Aydın Xan Əbilov Modern.az-a açıqlamasında bütün bu addımların vacibliyini vurğulayıb.
“Bu çox önəmlidir, çünki hər millətin müqəddəsləri var. Ölkəmizin var olması uğrunda öz əməyini əsirgəməmiş, mübarizə aparmış şəxslərin hər birinin ruhları qarşısında salavat çevirməli və yad edilməlidir. Azərbaycanda da bizim millətin formalaşmağında xidmətləri olmuş, Qarabağ müharibəsində və dövlət müstəqilliyi uğrunda canından keçmiş şəxslərin müqəddəsliyini qəbul etməliyik. Onların xatirəsini həmişə uca tutmalıyıq ki, hər zaman bütün vətəndaşlarımız, gənclərimiz hansısa təhlükə olduqda canını fəda etməyi bacarsınlar. İnsan dünyaya bircə dəfə gəlir. Onun həyatı əlbəttə ki, dəyərlidir. Amma insan bu dünyadan da bircə dəfə gedir. Onun xatirəsi, elədikləri, fəaliyyəti bu insanlar üçün, bu dünya üçün, dövlət üçün atdığı hər bir addım onu həm cənnətə aparmalıdır, həm də onu tarixdə saxlamalı və ona rəhmət oxunması üçün şərait yaratmalıdır. Şəhidlərimizin anımı mütləq və mütləq lazımdır. Toy mərasimlərində, ad günündə, nişan mərasimlərində, dini və yas mərasimlərində, orta məktəbin hər həftənin dərs günü başlanan zaman demək olar ki, bütün məclislərimizdə şəhidlərimizin anılması, qazilərə hörmət mütləqdir və bunu qəribçiliyə salmaq olmaz. Əgər biz təzə toyun əvvəlində şəhidlərimizi, igidlərimizi yad edib anırıqsa, onların ruhunun da orda olmasını və xeyir-dua verməsini təmin etmiş oluruq. Şəhidlərimiz hər zaman var olsun, igidlərimiz var olsun. Allah şəhidlərimizə rəhmət eləsin”, - o deyib.
Azərbaycan Respublikasının Xalq artisti Mənsum İbrahimov saytımıza açıqlamasında müxtəlif tədbirlərdə, həmçinin toylarda da şəhidlərimizin ruhunun yad edilməsinin, yaşadılmasının yetişməkdə olan gəncliyə misilsiz töhfə verdiyini qeyd edib.
O, bu ənənəni çox gözəl olduğunu, xalqımızın şəhidləri həmişə uca tutduğunu bildirib.
“Hər birimizin borcudur ki, onları hər zaman yaşadaq. Ona görə mən xalqımıza təşəkkür edirəm ki, xalqımız qədirbilən xalqdır. Onlar hamımızın övladlarıdır. Qarabağda Azərbaycanın hər regionundan igidlərin qanı tökülüb. Qarabağ bizim üçün müqəddəs bir məkan , ziyarətgahdır. Ona görə də mən çox yaxşı baxıram , hər yerdə , bütün tədbirlərdə şəhidlərimiz , qazilərimiz , onların ailələri uca tutulur. Həmçinin müxtəlif konsertlərdə də. Son vaxtlarda toylarımızda da əlbəttə ki , şəhidlərimizin xatirəsinin yad edildiyinin tez-tez şahidi oluruq. Bu çox qürurverici məqamdır. Gənclərimizi vətəndaş yetişdiririk, onlar vətənpərvər ruhda böyüyür. Biz onları unutmamalıyıq”.
- "Azpulmat” və “Manato”dan istifadə edənlərə mühüm xəbər
- Əgər Berbok Azərbaycanı “danlayırsa”, deməli... – Markov
- Qız qaçıran kişi maşının baqajında ölü tapıldı
- Duda Bakıdan sonra niyə İrəvana getdi?
- Bu ölkə Ermənistana S-300-lər göndərir - Təcili
- Taksi qiymətlərində yenidən DƏYİŞİKLİK
- Kərə yağları ilə bağlı ŞOK: Dəhşətli FAKTLAR
- 70 kq qızılla saxlanılan hərbi attaşe barədə qərar