Rusiya sərhədçiləri İrəvanın Zvartnots beynəlxalq hava limanından çıxarılacaq.
BUTA.TV xəbər verir ki, bu barədə erməni mediası yüksək vəzifəli mənbəyə istinadən xəbər yayıb.
Mənbənin sözlərinə görə, bu proses yaxın vaxtlarda baş verəcək. Qurum rəsmisi bu qərarın nədən qaynaqlandığını açıqlamasa da, əmin edir ki, siyasi qərar var.
Erməni mediası yazıb ki, Rusiya sərhədçilərinin Zvartnots hava limanında yerləşdirilməsi hökumətlərarası razılaşma ilə tənzimlənmir. Ermənistan Milli Təhlükəsizlik Xidmətinin sərhəd qoşunlarının komandirləri ilə Rusiya FTX arasında imzalanmış sənədə əsasən Rusiya sərhədçiləri hava limanında xidmət edir.
Qeyd edilib ki, 1992-ci ildə Ermənistan və Rusiya Ermənistan ərazisində Rusiya sərhəd qoşunlarının statusunu və fəaliyyətini tənzimləyən saziş imzalayıblar. Lakin bu müqavilədə hava limanında xidmətin göstərilməsi ilə bağlı bənd yoxdur.
- Koşta yeni razılaşmadan danışdı: Bakı-İrəvan sülhü...
- Adnan Əhmədzadənin supermarketi bağlandı - Foto
- AİB-in dəstəyi ilə layihəyə start verildi
- Əli Kərimli ilə bağlı qərar verildi
- Bu nazir Bakıdan İrəvana getdi
- Arakçının Azərbaycana səfərinin tarixi açıqlandı
- Putin Hindistandan nə istəyir? - Ekspert
- Türkiyənin müdafiə ixracatı 5 ildə bu cür artıb