Parisdə hökumətin kənd təsərrüfatı siyasətinə etiraz edən fransalı fermerlər polis səddini yarıb Prezident Emmanuel Makronun olduğu kənd təsərrüfatı sərgisinin keçirildiyi məkana daxil olublar.
BUTA.TV Oxu.az-a istinadən xəbər verir ki, ötən gecə yüzlərlə narazı vətəndaş həmin sərginin keçirildiyi binanın yaxınlığında qurulmuş çadır şəhərciyində gecələyib. Bəzi fermerlər traktorlarla Fransa paytaxtına gəliblər.
Məlumata görə, səhər saatlarında etirazçılar “Port de Versalın” girişinə toplaşıblar. Onlar fit çalıb, hay-küy salıblar. Daha sonra yüzlərlə fermer mərkəzin girişini bağlayan hüquq-mühafizə orqanlarının qurduğu səddi yararaq içəri girə bilib.
Nəticədə mərkəzin ərazisində narazı vətəndaşlarla polis əməkdaşları arasında toqquşma yaranıb. Hüquq-mühafizə orqanlarının əməkdaşları binaya soxulan insanları küçəyə çıxarmağa çalışıblar.
Makron həmin an binanın ikinci mərtəbəsində olub. O, fermerlər və həmkarlar ittifaqları ilə danışmaq istəyib. Lakin kənd təsərrüfatı sənayesinin yalnız bəzi nümayəndələri dövlət başçısı ilə görüşmək istəyiblər. Bir çox fermerlər onun salonda olmasından narazı qalıb, fitə basıblar.
- 913 uşaq müəssisələrdən ailələrinə qaytarıldı
- Elşad Xose Psixiatriya Xəstəxanasına yerləşdirilib? - Video
- Bayramov daha bir xəstəxana direktorunu yola salır - Foto
- Bu şəxslərin maaşı artırılacaq
- "İdrak" işi: Şagirdin atası barədə qərar...
- “Qolum işləmir, stresdən yata bilmirəm” - Ölkəyə keyfiyyətsiz botoks gətirilir?
- İtaliyadakı yeni səfirimiz o oldu - Foto
- İlham Əliyev 2 fərman imzaladı