BƏƏ-dən Təl-Əvivə uçan "Flydubai" şirkətinə məxsus təyyarə qaçırılma şübhəsi səbəbindən təcili siqnal verib və Səudiyyə Ərəbistanı hava məkanına yönləndirilib.

BUTA.TV xəbər verir ki, bu barədə İsrail mətbuatı məlumat yayıb.

Məlumata görə, havaya qalxdıqdan təxminən 90 dəqiqə sonra İordaniya hava məkanının sərhədi yaxınlığında sərnişin təyyarəsi ümumi fövqəladə vəziyyəti bildirən beynəlxalq "7700" kodunu, ardınca isə uçuş əməliyyatlarına qanunsuz müdaxilə və ya təyyarəni ələ keçirmə cəhdini ifadə edən xüsusi "7500" kodunu ötürüb.

Bundan dərhal sonra təyyarə Səudiyyə Ərəbistanı ərazisinə doğru istiqamət alıb.

Təhlükə ilə bağlı İsrail təcili şəkildə Hərbi Hava Qüvvələrinin iki qırıcı təyyarəsini havaya qaldırıb. Baş nazir Benyamin Netanyahu və müdafiə naziri İsrail Katz təcili iclas çağırıblar.

İsrail mətbuatı yazır ki, ölkə rəsmiləri təyyarənin qaçırılmasına dair qəti təsdiqin olmadığını bildiriblər. Yalnız pilot tərəfindən həyəcan siqnalı kodunun işə salınması qeydə alınıb və hazırda araşdırma aparılır.

Təyyarədə 180 sərnişinin olduğu bildirilir.

***

❗️ İlkin məlumatlara görə, təyyarədə zorakılıqla müşayiət olunan insident baş verib, lakin təyyarənin təhlükəsizliyinə heç bir təhlükə yoxdur.


✍️ Bu barədə jurnalist Amit Seqal məlumat verir.

***

✈️ Təyyarə sağ-salamat S.Ərəbistanına eniş edib — Yediot News


Məlumata görə insident təhlükəsizliyə təhdid xarakteri daşımayıb.


Ola bilsin ki, bortda dava səbəbindən mərkəzə xəbərdarlıq siqnalı göndərilib.

***

✍️ Jurnalist yazır ki, uçuş zamanı iki pilot arasında dava düşüb.

Üç nəfərin zorladığı 23 yaşlı azərbaycanlı qızla bağlı şok faktlar - VİDEO Üç nəfərin zorladığı 23 yaşlı azərbaycanlı qızla bağlı şok faktlar - VİDEO