Ermənistanın İstintaq Komitəsi aprelin 20-dən bəri Azərbaycan ilə sərhədin delimitasiyasına etiraz aksiyalarında iştirak edən 15 nəfərə qarşı cinayət təqibi başladıb.
BUTA.TV xəbər verir ki, bu barədə “Sputnik Ermənistan” məlumat yayıb.
Bildirilib ki, aksiya iştirakçıları tərəfindən törədilmiş cinayət əməlləri ilə bağlı 11 cinayət işi başlanıb.
7 iş yolları bağlayarkən xuliqanlıq əməlləri, əmlaka qəsdən zərər vurma, fiziki təsir göstərmə, polis əməkdaşlarının qanuni fəaliyyətinə mane olma, yol hərəkəti qaydalarının pozulması ilə bağlıdırsa, qalan 4 iş maşın təkərlərinə ziyan vurulması, aksiyalar zamanı zorakılığa çağırışlar, eləcə də silahların əldə edilməsi və saxlanması ilə bağlıdır.
Təqsirləndirilən 9 şəxs artıq həbs edilib, biri ev dustaqlığındadır. Daha 3 nəfər ölkəni tərk ermək qadağası ilə hələlik sərbəstdir, 1 nəfər inzibati nəzarət altındadır və onun ölkədən çıxışına qadağa var, 1 nəfər isə tərbiyəvi nəzarətdədir.
Bu hallarla bağlı istintaq davam edir.
- Türkiyə də Ukrayna müharibəsinə sürüklənir: Tərəf seçə bilər
- İlham Əliyev Piterə gələ bilər - Peskov
- Vardanyanın saxlanma şəraiti ilk dəfə göstərildi - Video
- Hökumə Əliyevanın ailə üzvləri Aktauya getdi - Video
- Rusiyanın Türkiyəyə qarşı təxribatı - Nə baş verir?
- Bu şəxslərə bayramla əlaqədar 500 manat mükafat verildi
- Ermənistana investisiyalar Türkiyə üçün risklər yaradır
- Ermənistana ixrac edilən neft məhsullarının ilk partiyası - Video