Azərbaycanda beynəlxalq təcrübə əsasında halal turizm xidmətləri üzrə yeni dövlət standartı qəbul olunduqdan sonra turizm obyektlərinə "halal otel" sertifikatı veriləcək.
BUTA.TV xəbər verir ki, bu barədə Report-a Dövlət Turizm Agentliyindən bildirilib.
“Otellər maraqlı olduğu təqdirdə halal sertifikatlaşmadan keçib, özlərini müştərilərinə "halal otel" kimi təqdim edə biləcəklər", - deyə məlumatda qeyd olunub.
Azərbaycan Standartlaşdırma İnstitutu halal turizm xidmətləri üzrə yeni dövlət standartı hazırlamaqdadır. Bunu İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli bildirib.
"Bu il qəbul edilməsi nəzərdə tutulan standart Azərbaycanda turizmin inkişafına xüsusi töhfə verəcək. Belə ki, standartın əsas məqsədi islam qaydalarına cavab verən turizm xidmətləri və məhsulları təqdim etmək, onun effektiv tətbiq yolu ilə halal turizm məhsul və xidmətlərini bütövlükdə qorumaq və müştəri məmnuniyyətini artırmaqdır. Ölkədəki otel və turizm xidmətlərini bu standartların tələblərinə uyğunlaşdırmaq və turizm sektorunu müsəlman ölkələrindən gələn turistlər üçün daha cəlbedici etmək, bu sahədə inkişafa nail olmaq əsas məqsədlərdən, prioritetlərdən biridir", - deyə o qeyd edib.
- Putin İlham Əliyevlə hələ danışmayıb - Peskov
- ATƏT sədrindən Minsk qrupunun ləğvinə - Reaksiya
- Qərb “dondu”, üstünlük Şərqə keçir – sammitə baxın!
- İlham Əliyevdən Zəngəzur dəhlizi ilə bağlı açıqlama
- 3 ölkə Zəngəzurla bağlı “payalma cəhdlərinə” başladı
- ATƏT-in bütün qərarları etibarsız elan edildi
- ATƏT-in Minsk qrupunun fəaliyyətinə xitam verildi
- Kremlə yaxın kanal: Bakıya qarşı “xüsusi əməliyyat...”