Bakıda kafe sahibindən hədə-qorxu yolu ilə 200 min manat pul tələb etməkdə təqsirləndirilən Sakit Əlişov və Şahin Quliyevin apellyasiya məhkəməsi sona çatıb.
BUTA.TV-ın Unikal-a istinadən məlumatına görə, bu barədə qərar Bakı Apellyasiya Məhkəməsinin hakimi İbrahim İbrahimlinin sədrliyi ilə keçirilən prosesdə elan edilib.
Qərara əsasən, təqsirləndirilən şəxslər - Sakit Əlişov və Şahin Quliyev tərəfindən verilmiş apellyasiya şikayəti təmin edilməyib.
Qeyd edək ki, Cəlilabad rayon sakini Sakit Əlişov və Qəbələ rayon sakini Şahin Quliyev Nəsimi rayonu ərazisində yerləşən "Şeyx Lahmacun" dönər evinin sahibinin başına dəmir parçası ilə xəsarət yetiriblər. Daha sonra onun azyaşlı oğlunu zirzəmidə stula bağlayıb bıçaqla hədələyərək 200 000 manat verilməsini tələb ediblər.
Hər iki şəxsə qarşı Cinayət Məcəlləsinin 182.3.2-ci (hədə-qorxu ilə tələb etmə) maddəsi ilə cinayət işi başlanıb.
- Gürcüstanda ilk dəfə azərbaycanlı qadın leytenant oldu
- Paşinyandan Qarabağla bağlı üç etiraf...
- İrəvanı Moskva asılılığından Bakı xilas edəcək - Sekuta
- Azərbaycan və Suriya arasında görüş: Təhlükəsizlik...
- Müharibə vaxtı Azərbaycanın İsrailə yardım etməsi... - İran
- Bakı, Daşkənd və Aşqabad birgə bəyanat qəbul etdi
- Zəngəzur dəhlizindən nə qədər gəlir əldə olunacaq? - Uraloğlu
- Simonyan Bakı ilə razılaşmadan danışdı: İndi daha çox dərk edirik