Azərbaycan Autizm Assosiyasının sədri Elnur Məmmədli deputatlığa namizədliyini irəli sürüb.
BUTA TV Bakupost.az-a istinadən xəbər verir ki, o, 81 saylı İmişli Seçki Dairəsidən millət vəkili seçilmək istəyir. E.Məmmədli artıq imza vərəqələrini Dairə Seçki Komissiyasına təqdim edib və onun namizədliyi təsdiqlənib. O, bu dairədə çox güman ki, Razi Nurullayevlə mübarizə aparacaq.
Qeyd edək ki, E.Məmmədli 2018-ci ildə keçmiş millət vəkili Hüseyn Abdullayevlə aralarındakı qalmaqalla gündəmə gəlmişdi. Onun şikayəti əsasında H.Abdullayevə cinayət işi açılmışdı. Keçmiş millət vəkili vergi cinayətləri ilə yanaşı, bu şikayətə görə də ittiham olundu. Bununla bağlı istintaq materallarında yazılır:
"H.Abdullayevin dəfələrlə N.Babayev vasitəsilə, daha sonra isə Almaniyadan istifadəsində olan telefondan “Autist Uşaqların Reablitasiyasına Kömək” İctimai Birliyinin sədri Elnur Məmmədova zəng edərək onun və ailə üzvlərinin ünvanına nalayiq ifadələr işlədib, tələblərinə əməl etməyəcəyi halda onları məhv edəcəyi ilə hədələyərək icarə müqaviləsi şərtlərinə görə hər ay ödəməli olduğu 3 min manat icarə haqqı əvəzinə onun nümayəndələrinə 6 min manat pul ödəməsini hədə-qorxu ilə tələb etməsinə əsaslı şübhələr müəyyən edildiyindən o, Cinayət Məcəlləsinin 178.2.1 (dələduzluq), 178.2.2, 178.2.4, 182.2.1 (hədə-qorxu ilə tələb etmə), 182.2.2 və 182.2.4-cü maddələri ilə təqsirləndirilən şəxs qismində cəlb edilməklə həmin maddələrdə nəzərdə tutulmuş ittiham elan edilib.
Təqsirləndirilən şəxs H.Abdullayev Türkiyə Respublikası ərazisində tutularaq 22 aprel 2018-ci il tarixdə Azərbaycan Respublikasının hüquq mühafizə orqanlarına təhvil verilib".
- Ermənilər azərbaycanlıların qəbiristanlığını dağıtdı - Video
- Ermənistana silah daşınır – MN narahatdır, çağırış etdi
- İsrail səfirliyi yanında atışma: ölü və yaralılar var
- Bakıda 300 milyard razılaşdırıldı: Amma Leyen və Berbok…
- Paşinyanın Bakıya bu “güzəşti” hiylədir – Moskvadan baxış
- COP29-da bu saziş olmalıydı, əvəzində Bakıya "hücum" edildi...
- Bu gün Bakıda mühüm addım atıldı - Nazir
- COP29-da tarixi qərar qəbul olundu