Son vaxtlar ABŞ və Ermənistan arasında hərbi sahədə əməkdaşlıq daha da genişlənib. ABŞ-ın Ermənistan Müdafiə Nazirliyinə öz nümayəndəsini təyin etməsi də bunun tərkib hissəsidir.
Bu sözləri BUTA.TV-a hərbi ekspert Üzeyir Cəfərov ABŞ hərbi yük təyyarələrinin Zvartnots hava limanına gəlməsinə münasibət bildirərkən deyib.
O bildirib ki, artıq ABŞ hərbi texnikasının Ermənistanda görünməsi təəccüb doğurmur:
“Bu, ABŞ və Ermənistan ordularının birgə fəaliyyəti ilə bağlıdır. Fəaliyyət çərçivəsində hərbi təlimlər keçirilir, silah-sursat, texnika gətirilir. Bilirsiniz ki, ötən ay İrəvanda ABŞ-Ermənistan birgə hərbi təlimləri keçirildi. Ona görə də hərbi yük təyyarələrinin Zvartnots hava limanına, yaxud da digər aerodromlara gəlib-getməsi bundan sonra da davam edəcək. Böyük ehtimalla Vaşinqtonla İrəvan arasında Ermənistan ordusuna müəyyən avadanlıqlar, hətta ola bilsin, silah-sursat, hərbi texnika verilməsi ilə bağlı razılıq əldə olunub”.
Ekspert bildirib ki, Ermənistan ABŞ ilə əməkdaşlığını genişləndirərkən niyyətini gizlətmir:
“Elə dünən məlumat yayıldı ki, həm Rusiya ərazisində, həm də Orta Asiyada keçiriləcək Kollektiv Təhlükəsizlik Müqaviləsi Təşkilatının növbəti təlimlərində Ermənistan iştirak etməyəcək. İrəvanın təşkilatın bütün tədbirlərini boykot etməsi o deməkdir ki, Ermənistan öz istiqamətini müəyyənləşdirib - daha çox ABŞ, Fransa və digər Qərb ölkələrinə hərbi sahədə inteqrasiya edir. Məqsəd aydındır. Rusiya sərhədçilərini Zvartnotsdan avqustun 1-dən çıxardılar. Həmin o sərhədçilər İran və Türkiyə sərhədlərində yerləşdirilib xidmət aparsa da, yəqin ki, bu, müvəqqətidir. Bir müddət sonra ümumiyyətlə onların Ermənistan ərazisindən tədricən çıxarıldığı ilə bağlı məlumatlar gəlməyə başlayacaq”.
- Çin rekorda, ABŞ antirekorda imza atdı
- NATO iclasında Azərbaycana qarşı hücumlardan danışıldı
- Fransa silahları Ermənistandadır: Bəs, rus silahları? - Gevondyan
- Bakı razılıq verdi, EPU İrəvanda olacaq: Əliyev də gedəcək?
- Əminə Ərdoğandan Qarabağ atları ilə bağlı paylaşım - Video
- Biz Ermənistanın taleyini Türkiyə ilə müzakirə edə bilərik!
- Tehran Bakıya dəhliz verdi, Zəngəzur bitdi - Tarasov
- Azərbaycan yeganə müsəlman ölkəsidir ki... – İsrail səfiri