Sumqayıt şəhər sakini 2001-ci il təvəllüdlü şəxs (qadın cinsli) avqustun 7-si saat 10:00 radələrində Sumqayıt Tibb Mərkəzinin Təcili Tibbi Yardım Xəstəxanasına hospitalizasiya olunub.

BUTA.TV xəbər verir ki, bu barədə TƏBİB məlumat yayıb.

Vurğulanıb ki, hündürlükdən yıxılma, sol kürək sümüyünün sınığı və sol diz oynağının əziyi diaqnozu qoyulan pasiyent Travmatologiya şöbəsinə yerləşdirilib:

"Ona müvafiq tibbi yardımlar göstərilib və bu barədə polisə məlumat verilib. Avqustun 9-u saat 12:00 radələrində xəstəyə baş çəkmək üçün xəstəxanaya gələn ailə üzvlərindən biri palataya daxil olaraq, onunla söhbət edib. Həmin zaman xəstənin yaxını ona kəsici-deşici alətlə xəsarət yetirib. Boyun nahiyəsinin deşilmiş-kəsilmiş yarasını alan pasiyentə tibbi personal tərəfindən təcili zəruri tibbi yardımlar göstərilsə də həyatını xilas etmək mümkün olmayıb. Hadisə ilə bağlı dərhal hüquq-mühafizə orqanlarına məlumat verilib və araşdırma aparılır. Qeyd edək ki, meyit təşrih üçün Məhkəmə tibbi-ekspertiza və patoloji anatomiya birliyinin Sumqayıt şəhər şöbəsinə təhvil verilib".

• Xırdalanda minik avtomobili sərnişin avtobusuna çırpıldı - Video
• Balakəndə su dolmuş ərazilər təmizlənir - Video
• İstirahət günü hava necə olacaq?
• Masallıda atdan yıxılan 49 yaşlı kişi öldü
• Həftəsonu çimərliyə getmək istəyənlərin nəzərinə!
• Fatimənin xalası oğlu Batumidə tutuldu - Video
• Bakıda iki motosiklet toqquşdu: 22 yaşlı sürücü öldü
• Fatimənin qatili hava limanında saxlanıldı - Video