Ermənistanda özünü “Müqəddəs mübarizə” hərəkatının lideri kimi təqdim edən arxiyepiskop Baqrat Qalstanyan qərbi azərbaycanlılar və onların geri qayıdış hüququ ilə bağlı irqçi və ksenofob mövqedən çıxış edən bəyanat verib.

Bu barədə BUTA.TV-a Qərbi Azərbaycan İcmasından bildirilib.

"Din xadimi yoxsa siyasətçi olduğu anlaşılmayan bu diletant, reallıqdan uzaq şəxs soydaşlarımızla bağlı radikal xarakterli fikirlər səsləndirib, 300 mindən çox qərbi azərbaycanlının öz ata-baba torpaqlarına sülh yolu ilə qayıdışı məsələsini təhrif edərək, siyasi və ksenofob don geyindirməyə çalışıb", - açıqlamada deyilir.

Qərbi Azərbaycan İcması Baqrat Qalstanyanın bu bəyanatını qınayır, arxiyepiskopu belə irqçi yanaşmadan çəkinməyə çağırır. Bir din xadimi olaraq sülhü, ədaləti, barışığı təmsil və təbliğ etmək əvəzinə arxiyepiskopun bu cür şovinist mövqedən çıxış etməsi erməni Qriqoryan kilsəsində və cəmiyyətində bu cür irqçi yanaşmaların hakim olduğunu göstərir.

İcma həmçinin sülh prosesinə verdiyi zərərdən dolayı Ermənistan hökumətindən ərazisində bu kimi irqçi meyllərə imkan verməməyi tələb edir.

• Hikmət Hacıyev AB rəsmiləri ilə görüşdü
• Ərəb turistlərin Azərbaycana marağı azaldı – Səbəb
• Ofisiantların ölümünə səbəb olan elektrik xətti Mehdiyevlərin bağına gedirmiş
• Azərbaycan XİN Çinə başsağlığı verdi
• Ukrayna üzrə heç bir sülh müqaviləsi layihəsi olmayıb
• İki görüş 37 illik münaqişəni həll edə bilməz - Paşinyan
• Yanğına səbəb olan sahibkarlar: Hansı cəzalar gözləyir?
• Dedilər ki, sizin Zəngəzur dəhliziniz var, gedin oradan keçin...