Sentyabrın 1-də keçiriləcək növbədənkənar parlament seçkilərinə hazırlıq davam edir. Hazırda 125 dairədə 1000-dən artıq namizəd təbliğat kampaniyası aparır. 

BUTA.TV xəbər verir ki, deputat mandatı uğrunda mübarizə aparan namizədlərin arasında Milli Məclisin indiki üzvləri də var. Deputat olduqları üçün rəqibləri ilə müqayisədə daha çox tanınan bu şəxslərin davranışları da maraqla qarşılanır. 

Qeyd edək ki, namizədliyini növbəti dəfə 81 saylı İmişli seçki dairəsindən irəli sürən Razi Nurullayev rəqibləri ilə müqayisədə xüsusi fəallığı ilə seçilir. O, tez-tez namizəd olduğu dairənin ərazisində yerləşən kəndlərə baş çəkir, sakinlərlə görüşür, onların qayğıları ilə maraqlanır.

Deputat sağlamlığının qeydinə qalmağı da unutmur, çoxsaylı görüşlərin arasında idmana da vaxt ayırır. O, ötən gün yataq otağında idman hərəkətləri ilə məşğul olarkən çəkilmiş görüntüləri paylaşıb. 

Əvvəlki videogörüntülərdən fərqli olaraq, Razi Nurullayevin bu davranışı birmənalı qarşılanmayıb. Məlum videogörüntülər dərhal sosial şəbəkələrdə paylaşılaraq, qızğın müzakirə olunub. Sosial şəbəkə istifadəçiləri deputatı ifrat səmimiyyətdə günahlandırıblar. Məlum videogörüntülərin altına “Görün, kimlərin ümidinə qalmışıq. Bundan deputat olar?”, “Ölmədik deputatı yataqda da gördük”, “Şükür kərəminə, Ya Rəbb”, “Üzündə bir qram da nur yoxdur” məzmunlu şərhlər yazıblar. 

• Hikmət Hacıyev AB rəsmiləri ilə görüşdü
• Ərəb turistlərin Azərbaycana marağı azaldı – Səbəb
• Ofisiantların ölümünə səbəb olan elektrik xətti Mehdiyevlərin bağına gedirmiş
• Azərbaycan XİN Çinə başsağlığı verdi
• Ukrayna üzrə heç bir sülh müqaviləsi layihəsi olmayıb
• İki görüş 37 illik münaqişəni həll edə bilməz - Paşinyan
• Yanğına səbəb olan sahibkarlar: Hansı cəzalar gözləyir?
• Dedilər ki, sizin Zəngəzur dəhliziniz var, gedin oradan keçin...