Yaxın Şərqdə yeni müharibə qığılcımları olacağını əvvəllər də demişdim. Ümumilikdə deyə bilərəm ki, İsrail-İran qarşıdurması böyük müharibəyə çevrilməyəcək. Ancaq iki dövlət arasındakı “vulkanik püskürmələr” mütəmadi olaraq davam edəcək. Çünki bu, Qərbin maraq dairəsindədir.

Bu sözləri BUTA.TV-a Rusiyada yaşayan məşhur azərbaycanlı ekstrasens, kliniki psixoloq, ezoterik Zirəddin Rzayev İran-İsrail müharibəsinin başlama ehtimalını şərh edərkən deyib.

Onun sözlərinə görə, iki ölkə arasında genişmiqyaslı müharibə beynəlxalq güclərin marağında deyil:

“İsrail özü də digər Şərq ölkələri kimi, Qərb siyasətinin əziyyətini çəkir. İstəsələr də, istəməsələr də bu oyunda iştirak etmək məcburiyyətindədirlər.

Bir çox siyasətçi İranla Taliban arasında savaş olma ehtimalını istisna etmirdilər. Ancaq hər şey tam əksinə oldu. Bu gün bütün dünya “tikan üstündədir”. İranla İsrail savaşsa, bu, artıq dünya müharibəsi olacaq. Dünya müharibəsi isə savaşların səbəbkarı Qərbin marağında deyil. İndi müharibələrin formatı tamam dəyişib, təəssüf ki, hər şey beynəlxalq güclərin nəzarəti altındadır”.

• Bu gün Bakıda mühüm addım atıldı - Nazir
• COP29-da tarixi qərar qəbul olundu
• COP29 Paris Sazişinin iki maddəsini qəbul etdi
• Azərbaycana rəsmi təşəkkür qətnamə layihəsi qəbul olundu
• İndi dünyanın gözü bizə fokuslanıb - Babayev
• QNET istifadəçisindən rekord: 51 yaşında 20 dəfə ardıcıl salto…
• COP29-un bağlanış plenar iclası keçirilir
• Brandon COP29-dan danışdı: Sərfəli olmayan razılaşmadansa...