Paytaxt yollarında bəzi sürücülər sanki svetoforun qırmızı işığının tələbinə məhəl qoymurlar. Həm qayda pozuntusuna yol verirlər, həm də yol-nəqliyyat hadisələrinin baş verməsinə səbəb olurlar.

BUTA.TV xəbər verir ki, bu barədə Daxili İşlər Nazirliyi Nəqliyyatı İntellektual İdarəetmə Mərkəzi (NİİM) məlumat yayıb.

Bildirilib ki, NİİM-in müşahidə kameralarının qeydə aldığı bu qəzalar sürücülərin svetoforun qırmızı işığında keçməsi səbəbindən baş verib. Bəzən ölüm və xəsarətlə nəticələnən bu cür yol-nəqliyyat hadisələri onların ani diqqətsizlik və səbrsizlik göstərməsi nəticəsində olur. Svetoforun yaşıl işığının bitməsinə 1 saniyə qalmış sürəti daha da artırıb yollarına davam etmək istəyən belə sürücülər özlərinin və digərlərinin həyatını təhlükə altında qoyurlar. Ümid edirik ki, müşahidə kameralarına düşən bu videolardan sürücülər nəticə çıxarar və svetoforun qadağanedici işarəsindən keçməyin nə qədər təhlükəli olduğunu görmüş olarlar.

Qeyd edilib ki, İnzibati Xətalar Məcəlləsinin 327.2-ci maddəsinə əsasən svetoforun və ya nizamlayıcının qadağanedici işarəsi verilərkən hərəkətin davam etdirilməsinə görə sürücülər barəsində 100 manat və 3 cərimə balı tətbiq edilir.

• Orduda Tovuz döyüşlərinin ildönümü qeyd olundu
• Nazirlər Kabineti kənd təsərrüfatı ilə bağlı bu qərarı dəyişdi
• ABŞ-dan Zəngəzur dəhlizi ilə bağlı mühüm açıqlama
• Bağçalara müəllimlərin sənəd qəbulu başlayır
• Bakı və İrəvan arasında sülh... - Leyen
• Ukraynada öldürülən “qatil” azərbaycanlılar - Fotodakı müəmma
• Simonyanın “silahı” özünə qarşı çevrildi: Villanı döydülər - Video
• Putin məni təəccübləndirdi: Ukraynaya bu silahı verəcəm!