Azərbaycan Milli Elmlər Akademiyasının (AMEA) prezidenti İsa Həbibbəyliyə yeni vəzifə verilib.
BUTA.TV Modern.az-a istinadla xəbər verir ki, o, Azərbaycan Milli Ensiklopediyasının baş redaktoru vəzifəsinə gətirilib.
Baş redaktor Azərbaycan Milli Ensiklopediyasının məzmununa, elmi səviyyəsinə, materialların vaxtında hazırlanmasına ümumi rəhbərliyi həyata keçirir. O, həmçinin nəşrdə veriləcək məqalələrin hazırlanmasına yüksək ixtisaslı alim və mütəxəssislərin cəlb olunmasını təmin edir, nəşrlə bağlı sözlüklərin və metodiki vəsaitlərin müzakirəsini həyata keçirir, habelə onları təsdiq edir, həmçinin məqalə və materialların elmi səviyyəsini müəyyən edir, vaxtında hazırlanmasını təmin edir.
Qeyd edək ki, İsa Həbibbəyli əvvəllər Azərbaycan Milli Ensiklopediyasının redaksiya heyəti sədrinin müavini olub. Əvvəllər Baş redaktor vəzifəsini isə Azərbaycan Respublikası Elm və Təhsil Nazirliyinin Geologiya və Geofizika İnstitutunun baş direktoru Akif Əlizadə tutub.
- Sabah Albalılıq qəsəbəsində işıq olmayacaq
- Bakı-Laçın-Bakı avtobusunun hərəkəti dəyişdirilir
- Bakıda binanın balkonu uçdu
- Zərifə Abbasova ölkədən qaçıb - İnterpol onu axtarır
- Bakıya yağan leysanın səbəbi...
- Modi Kazanda Putinə bunu hədiyyə etdi
- Sumqayıtda usta faciəvi şəkildə öldü
- Şiddətli yağış: bu çaylarda suyun səviyyəsi artdı