Rusiya Federasiyası Hökuməti Moskva və Bakı arasında Şimal-Cənub Beynəlxalq Nəqliyyat Dəhlizi ilə tranzit yükdaşımaların birgə inkişafı haqqında saziş layihəsini təsdiqləyib.
BUTA.TV APA-ya istinadən xəbər verir ki, bu, barədə Rusiya hökumətinin sədri Mixail Mişustin sərəncam imzalayıb.
Sazişin məqsədi nəqliyyat əlaqələrinin səmərəliliyinin artırılması və Şimal-Cənub nəqliyyat dəhlizinin qərb marşrutunun potensialının artırılmasıdır.
Sazişə əsasən, Rusiya Federasiyası və Azərbaycan iki ölkənin sənəd və qanunvericiliyinin tələbləri nəzərə alınmaqla, tranzit daşımalar zamanı malların öz əraziləri üzrə sərbəst hərəkətini təmin edəcəklər.
Gömrük nəzarəti qaydaları həm qanunvericiliklə müəyyən edilmiş razılaşmalara, həm də Moskva və Bakının iştirak etdiyi beynəlxalq müqavilələrə əsaslanacaq.
Sənəddə dəmir yolu infrastrukturu yeniləndikdən sonra hər il Rusiya Federasiyasından Azərbaycana daşınmalı olan yüklərin zəmanətli həcmi də müəyyən edilib. Bu, 2028-ci il yanvarın 1-dən ən azı 5 milyon ton olacaq, müvafiq qərar qəbul edildikdən sonra isə hər il 15 milyon tona yüksələcək.
- Aşıq Namiq: Erməni mahnısı oxumusan, toyda bığını qırxıblar
- Elçin Quliyev müdafiə naziri təyin olunacaq? - DİQQƏTÇƏKƏN RUSİYA DETALI
- Abonentlərin nəzərinə: Bəzi ərazilərdə qaz kəsiləcək!
- Bu telekanalın yayımı 24 saatlıq dayandırılır
- "Sea Breeze"də 500 min kvadrmetr yer alan biznesmen kimdir?
- Hərbi Hava Qüvvələrində yoxlamalar keçirildi
- Abşeronda qanunsuz tikinti işlərinin qarşısı alındı - Foto
- Xocavənddə torpaq əldə etmək istəyən sakinlərin nəzərinə...