Rusiya Prezidenti Vladimir Putinin bu gün keçirdiyi illik mətbuat konfransı zamanı Türkiyənin “Anadolu” agentliyinin Suriya ilə bağlı sualına cavabında iki məqam diqqət çəkdi.

BUTA.TV xəbər verir ki, bu sözləri politoloq Elxan Şahinoğlu bildirib.

“Birincisi, Putin Suriya hadisələrindən qazanan əsas ölkənin Türkiyə deyil, İsrail olduğunu söylədi. Putin sözlərinə onu da əlavə etdi ki, İsrail ordusunun Suriya ərazisində ələ keçirdiyi ərazilərdəki insanlar guya İsrailə birləşmək barədə müraciətlər ediblər. Putin sanki bununla İsrailə haqq qazandırırdı. Putin hətta “İsrail çətin ki, həmin əraziləri tərk etsin” cümləsini də işlətdi.

Putinin suala cavabında ikinci məqan PKK terror təşkilatıyla bağlıydı. Rusiya lideri PKK barədə danışarkən, əvvəla, “terrorçu” ifadəsi işlətmədi, əksinə, “kürdlər döyüşkən millətdir” sözlərindən istifadə etdi. Digər tərəfdən, Putin Türkiyənin Suriya ərazisində təhlükəsizlik maraqlarının olduğunu birdirməklə yanaşı, kürdlərin özlərinin dövlət istəyini bu sözlərlə xatırlatdı: “Birinci Dünya müharibəsinin nəticələrinə uyğun olaraq 30 milyonluq kürdlərin dövləti olmalıydı”. Putinin bu sözlərindən belə bir təəssürat yarandı ki, o özü daxilən kürd dövlətinin varlığını istəyir, ancaq reallıq fərqlidir.

Yaxşı ki, reallıq fərqlidir, əks halda Kreml Azərbaycana da Qarabağ üzərində suverenliyinin bərpasına mane olardı”.

• Sobçak Rövşən Məmmədovu hədəfə aldı - Video
• Makrondan erməni dilində paylaşım: Azərbaycanla sülh...
• AB-dən ABŞ-ın rüsum qərarı ilə bağlı sərt gedişat
• Ermənilərin işgəncə vermələrini əks etdirən kadrlar göstərildi
• "AccessBank"ın xalis mənfəəti 7 milyon manat azaldı
• Xəzər dənizi barədə son açıqlama: Quruyacaqmı?
• "Aqro Point"in nizamnamə kapitalı yenə azaldı
• Ələsgər Ələsgərov nazir müavini təyin olundu