Dubay-Moskva reysi ilə uçan "Aeroflot" təyyarəsi sərnişinlərdən birinin salonda dava salması səbəbindən Bakıda təcili eniş edib. Hadisəyə səbəb sərnişin Roman Paxomovun qeyri-adi davranışları olub.

BUTA.TV xəbər verir ki, bununla bağlı görüntülər yayılıb. Sərnişinlərin sözlərinə görə, Paxomov təyyarəyə daxil olarkən sakit və ayıq olub. Lakin uçuş zamanı özü ilə gizlədiyi spirtli içkini içdikdən sonra aqressivləşib. O, qışqırmağa, sərnişinləri və ekipaj üzvlərini təhqir etməyə başlayıb. Onu sakitləşdirmək üçün tədbirlər görülsə də, sərnişin qandalı və yapışqan lenti qıraraq pəncərəni sındırmağa cəhd edib.

Bu vəziyyət kapitanı təyyarəni Bakıda təcili endirmək qərarına gətirib. "Boinq 777" təyyarəsi eniş etdikdən sonra Paxomov Azərbaycan hüquq-mühafizə orqanlarına təhvil verilib.

Sərnişin ayılandan sonra etdiyi hərəkətləri xatırlamadığını deyib. Hadisə ilə bağlı araşdırma aparılır.

Qeyd edək ki, Heydər Əliyev Beynəlxalq Aeroportundan bundan öncə sərnişinlərdən birinin qeyri-etik davranışına görə təyyarənin məcburi eniş etdiyini təsdiqləmişdi.

• 1649-cu gün: Rusiya Ukraynanın itkilərini yenilədi
• Rusiyalı deputat nüvə silahı ilə hədələdi
• Makronun reytinqi kəskin azaldı
• Ancelina Coli Ukraynaya səfər etdi
• “Yaxşı ki, tibbə qəbul olmadım” - 617 balla baytarlığı seçən Xaliq
• Szinpin bu türk ölkəsinə səfər etdi
• Ukraynanın məğlubiyyəti yaxınlaşır - Peskov
• Kipr sahillərində 297 sərnişinin olduğu gəmi batır