Dubay-Moskva reysi ilə uçan "Aeroflot" təyyarəsi sərnişinlərdən birinin salonda dava salması səbəbindən Bakıda təcili eniş edib. Hadisəyə səbəb sərnişin Roman Paxomovun qeyri-adi davranışları olub.
BUTA.TV xəbər verir ki, bununla bağlı görüntülər yayılıb. Sərnişinlərin sözlərinə görə, Paxomov təyyarəyə daxil olarkən sakit və ayıq olub. Lakin uçuş zamanı özü ilə gizlədiyi spirtli içkini içdikdən sonra aqressivləşib. O, qışqırmağa, sərnişinləri və ekipaj üzvlərini təhqir etməyə başlayıb. Onu sakitləşdirmək üçün tədbirlər görülsə də, sərnişin qandalı və yapışqan lenti qıraraq pəncərəni sındırmağa cəhd edib.
Bu vəziyyət kapitanı təyyarəni Bakıda təcili endirmək qərarına gətirib. "Boinq 777" təyyarəsi eniş etdikdən sonra Paxomov Azərbaycan hüquq-mühafizə orqanlarına təhvil verilib.
Sərnişin ayılandan sonra etdiyi hərəkətləri xatırlamadığını deyib. Hadisə ilə bağlı araşdırma aparılır.
Qeyd edək ki, Heydər Əliyev Beynəlxalq Aeroportundan bundan öncə sərnişinlərdən birinin qeyri-etik davranışına görə təyyarənin məcburi eniş etdiyini təsdiqləmişdi.
- BMT Ağdamdakı mina partlayışını araşdıracaq
- Ermənistan sülh sazişinə bunu salmaq istəyirdi - Video
- Ştaynmayerin Azərbaycana səfəri başa çatdı
- İlham Əliyev və Ştaynmayer konsertdə iştirak etdi
- Ev sahibləri barışıq şərtini açıqladı: Bu məbləğ ödənilsə...
- Ştaynmayer İçərişəhərlə tanış oldu - Foto
- Ştaynmayer Ağ Şəhərdə - Foto
- Məhərrəmov torpağımda dəbdəbəli villa tikib - Polkovnik