Konstitusiyada dəyişiklik edilməsi Ermənistanın daxili işidir.

BUTA.TV xəbər verir ki, bunu Ermənistan xarici işlər naziri Ararat Mirzoyan “Orbeli” analitik mərkəzi tərəfindən təşkil edilən və İrəvanda keçirilən “Sülh haqqında viktorina: Ermənistan xarici işlər naziri ilə söhbət” adlı konfransda azərbaycanlı jurnalistin sualına cavabında deyib.

Mirzoyan Azərbaycandan olan bir jurnalistin iştirakını alqışlayıb, amma sualın şablon olmasına təəccüblənib.

“Yerinizdə olsaydım, daha az çeynənmiş sual vermək fürsətindən yararlanardım”, - Mirzoyan bildirib.

Buna baxmayaraq, erməni nazir sualı cavablandırıb və bildirib ki, bu məsələ dəfələrlə azərbaycanlı məmurlar tərəfindən qaldırılıb və İrəvanın cavabı da dəyişməyib – bu, Ermənistanın daxili işidir:

“Biz Ermənistan və Azərbaycan konstitusiyalarının danışıqlar mövzusu olması fikrini bölüşmürük. Sonuncu Ermənistan üçün təhdidlər təşkil edir. Sülh bərqərar olub və əsas məsələlərdə razılıq əldə edilib. Lakin fikir ayrılığı olan məsələlər də var. "Nə etməli? Azərbaycan deyir ki, əgər belədirsə, sülh müqaviləsi imzalamayacağıq. Biz deyirik ki, belə etməyin”.

Mirzoyan buna baxmayaraq, müqavilənin paraflandığını, mühüm bir məqsədə nail olunduğunu, Ermənistan və Azərbaycan xalqlarının sülhdən zövq aldığını və gələcək proseslərin imzalanmaya gətirib çıxaracağına ümid olduğunu bildirib:

“Ermənistanın belə bir iradəsi var, biz bu yolu gedirik və təxribatlara uymuruq”.

• Nərgiz Məhəmmədinin həbs müddəti artırıldı
• Azərbaycanlılar milyonlarını harda xərcləyir?
• Son 47 ildə ilk: Xamenei görüşə getmədi
• Telefonunuzu dəyişməsəniz, məlumatlarınız oğurlana bilər
• Həmzəyevin AAYDA-da "ailə podratı"...
• Tıxaca səbəb olan yol təmiri nə zaman bitəcək?
• Müəllimini güllələyən şagird kimlərdən göstəriş alıb? - ŞOK DETALLAR ÜZƏ ÇIXDI
• Epşteyn adasındakı sirr DEŞİFRƏ OLDU: Dəhşətli qətl yazışmaları