Tiflisdə supermarketdə çalışan iki azərbaycanlı gəncə qarşı qrup halında zorakılığın təşkilində və ona rəhbərlik etməkdə ittiham olunan Manana Giorqobiani ilə bağlı etnik zəmində mümkün cinayət törətmək faktı üzrə də istintaq aparılır.

BUTA.TV APA-ya istinadla xəbər verir ki, bu barədə prokuror Giorgi Dolakidze bildirib.

Onun sözlərinə görə, faktla bağlı sübutlar toplanır və müvafiq hüquqi qiymətləndirmə veriləcək.

“Giorqobianiyə qarşı irəli sürülmüş ittihamların ağırlaşdırılacağı istisna edilmir”, - prokuror əlavə edib.

Dolakidze deyib ki, Giorqobiani istintaqla əməkdaşlıqdan imtina edib, ifadələr verməyib və ona psixiatrik ekspertiza təyin olunub.

Qeyd edək ki, Tiflis Şəhər Məhkəməsi bu gün Giorqobiani barəsində həbs qətimkan tədbiri seçib. Hadisə ilə bağlı videogörüntülərdən məlum olur ki, o, mağazanın əməkdaşları olan azərbaycanlılara qarşı etnik zəmində müəyyən təhqiramiz ifadələr işlədib.

Faktla bağlı Giorqobianidən başqa daha 5 nəfər saxlanılıb. Günahları sübuta yetiriləcəyi halda onlar 9 ilədək həbs cəzası ala bilərlər.

• Son 47 ildə ilk: Xamenei görüşə getmədi
• Telefonunuzu dəyişməsəniz, məlumatlarınız oğurlana bilər
• Həmzəyevin AAYDA-da "ailə podratı"...
• Tıxaca səbəb olan yol təmiri nə zaman bitəcək?
• Müəllimini güllələyən şagird kimlərdən göstəriş alıb? - ŞOK DETALLAR ÜZƏ ÇIXDI
• Epşteyn adasındakı sirr DEŞİFRƏ OLDU: Dəhşətli qətl yazışmaları
• Putindən ABŞ-a 12 trilyon dollarlıq gizli təklif - Heyrətamiz
• Sumqayıtda ağır qəza: yaralılar var...