İranın xarici işlər nazirinin müavini Vahid Cəlalzadə Bakıda Azərbaycan xarici işlər naziri Ceyhun Bayramovla müzakirələr apardıqdan sonra jurnalistlərin suallarına cavab verib. İranlı nazir jurnalistlər vasitəsilə Tehranın mesajını çatdırmaq istəyib. “İrana hücum olarsa, müharibə sərhədləri aşacaq” – bu iranlı diplomatın səsləndirdiyi əsas mesaj olub.
BUTA.TV xəbər verir ki, bu sözləri politoloq Elxan Şahinoğlu bildirib.
“İran rəsmiləri hər zaman deyirlər ki, ABŞ İrana zərbə vurarsa, İran da Amerikanın bölgədəki hərbi bazalarına zərbələr endirəcək. ABŞ-ın Azərbaycanda hərbi bazası yoxdur, ancaq iki ölkə arasında tərəfdaşlıq münasibətləri formalaşıb. Azərbaycan qonşu ölkədə sabitlikdə maraqlıdır. Ancaq iranlı diplomatın sözlərindən belə çıxır ki, İranda müharibə nəticəsində sabitlik pozularsa, Tehran qonşu ölkələrə problem yaradacaq. Bu açıq-aşkar təhdiddir”, - o qeyd edib.
Politoloq vurğulayıb ki, iranlı diplomat bunun ardınca “bəzi region ölkələrinin bunu başa düşdüyünü və bu təhlükə haqda ABŞ rəhbərliyini xəbərdar etdiyini” deyib:
“ABŞ Prezidenti Donald Trampı İrana zərbə vurmaqdan çəkindirməyə çalışan 4 dövlət – Türkiyə, Səudiyyə Ərəbistanı, Qətər və Oman olub. Ancaq ABŞ Prezidenti Donald Tramp bu haqda suala cavab verərkən, İrana zərbə endirməmək qərarını öz mülahizələrinə görə ertələdiyini deyib. İranlı diplomat bölgə ölkələrinin ABŞ prezidentinin qərarına təsir etdiyini və bu amilin müharibə təhlükəsini sovuşdurduğunu vurğulasa da, Ağ Ev sahibinin təlimatıyla Amerikanın bir neçə hərbi gəmisi İran sahillərinə yaxınlaşıb. Yəni İranla bağlı təhlükə hələ sovuşmayıb”.
- ABŞ İrana hücum edəcək? - Pol Qobldan mühüm proqnoz
- Cəlalzadə Bakıda kimi hədələdi? - İranla bağlı təhlükə
- Ceyms Di Vens Azərbaycana gəlir
- Tramp İlham Əliyev və Paşinyana təşəkkür etdi
- Nə muxtariyyət, nə hərbi struktur: SDQ tam “əriməlidir”
- Sülh Şurasına qoşulmaq Bakıya nə qazandıracaq?
- Bakının bunu etməsi böyük hadisədir - Subari
- Qarabağı Azərbaycan adlandıran nazirə hücum