Quql Android istifadəçilərinə ciddi təhlükə ilə bağlı xəbərdarlıq edib. Şirkətin açıqlamasına görə, dünyada istifadə olunan Android-smartfonların təxminən 40 faizi artıq təhlükəsizlik yeniləmələri almır və bu da onları kiberhücumlar üçün açıq hədəfə çevirir.

BUTA.TV Musavat.com-a istinadən xəbər verir ki, söhbət təxminən 1 milyard cihazdan gedir. Təhlükəsizlik dəstəyi dayandırılan bu telefonlarda aşkarlanan boşluqlar aradan qaldırılmır və nəticədə viruslar, fişinq hücumları, casus proqramlar istifadəçilərin şəxsi məlumatlarına asanlıqla çıxış əldə edə bilir.

Mütəxəssislər bildirir ki, risk xüsusilə köhnə model Android telefonlardan istifadə edənlər üçün yüksəkdir. İstehsalçılar adətən 2–4 ildən sonra bu cihazlara yeniləmə verməyi dayandırır. Lakin istifadəçilər gündəlik olaraq bank tətbiqlərindən, sosial şəbəkələrdən və şəxsi yazışmalardan istifadə etməyə davam edir.

Quql istifadəçilərə tövsiyə edir ki:

Təhlükəsizlik yeniləmələri alan modellərə üstünlük versinlər

Köhnə və dəstəyi kəsilmiş telefonları yenisi ilə əvəz etməyi ciddi şəkildə düşünsünlər

Naməlum mənbələrdən tətbiq yükləməkdən çəkinsinlər

Qeyd olunur ki, mövcud vəziyyətdə köhnə Android-smartfonlar sadəcə texniki cəhətdən zəif deyil, eyni zamanda şəxsi məlumatların oğurlanması üçün real təhlükə mənbəyinə çevrilib.

• Azərbaycanlılar milyonlarını harda xərcləyir?
• Son 47 ildə ilk: Xamenei görüşə getmədi
• Telefonunuzu dəyişməsəniz, məlumatlarınız oğurlana bilər
• Həmzəyevin AAYDA-da "ailə podratı"...
• Tıxaca səbəb olan yol təmiri nə zaman bitəcək?
• Müəllimini güllələyən şagird kimlərdən göstəriş alıb? - ŞOK DETALLAR ÜZƏ ÇIXDI
• Epşteyn adasındakı sirr DEŞİFRƏ OLDU: Dəhşətli qətl yazışmaları
• Putindən ABŞ-a 12 trilyon dollarlıq gizli təklif - Heyrətamiz