İranda insan haqları fəalı və Nobel Sülh Mükafatı laureatı Nərgiz Məhəmmədinin həbs müddəti artırılıb.

BUTA.TV xəbər verir ki, bu barədə AP xəbər agentliyi məlumat yayıb.

Vəkil Mustafa Nilinin sözlərinə görə, müddətin uzadılmasına Məşhəd məhkəməsində qərar verilib. N.Məhəmmədi etirazlarda iştirak etdiyinə görə altı il, təbliğat işlərinə görə isə əlavə bir il yarım həbs cəzasına məhkum edilib və ikiillik ölkədən çıxış qadağası alıb.

Qeyd edək ki, Nərgiz Məhəmmədi 2021-ci ilin noyabrından bəri İranda dövlətə qarşı sui-qəsd və İran hökumətinə qarşı təbliğat aparmaq ittihamları ilə həbs cəzası çəkir. O, 2024-cü ilin dekabrında sağlamlıq səbəbi ilə 21 günlük məzuniyyətə çıxmış, bu məzuniyyət daha sonra altı ay uzadılmışdı. 2025-ci ilin dekabrında o, İranda insan haqları müdafiəçisi Xosrov Əlikürdinin dəfn mərasimi zamanı saxlanılıb.

Nərgiz Məhəmmədi 2023-cü ildə "İranda qadınlara qarşı zülmlə mübarizə və insan hüquqları və azadlıqlarının təmin edilməsindəki səylərinə görə" Nobel Sülh Mükafatına layiq görülüb.

• Nərgiz Məhəmmədinin həbs müddəti artırıldı
• Azərbaycanlılar milyonlarını harda xərcləyir?
• Son 47 ildə ilk: Xamenei görüşə getmədi
• Telefonunuzu dəyişməsəniz, məlumatlarınız oğurlana bilər
• Həmzəyevin AAYDA-da "ailə podratı"...
• Tıxaca səbəb olan yol təmiri nə zaman bitəcək?
• Müəllimini güllələyən şagird kimlərdən göstəriş alıb? - ŞOK DETALLAR ÜZƏ ÇIXDI
• Epşteyn adasındakı sirr DEŞİFRƏ OLDU: Dəhşətli qətl yazışmaları