Bukmeker kontorları Portuqaliya millisinin əfsanəvi hücumçusu Kriştianu Ronaldonun 2026-cı il Dünya Çempionatında göz yaşlarına boğulma ehtimalını qiymətləndiriblər.
“BUTA.TV” xəbər verir ki, bu barədə məlumatı “Sports” nəşri yayıb.
Analitiklər 41 yaşlı ulduz futbolçunun turnir zamanı ağlamaq ehtimalını 73% olaraq dəyərləndirirlər. Maraqlıdır ki, cəmi bir həftə əvvəl bu əmsal xeyli aşağı – 50% civarında idi. Portuqaliyalının karyerasındakı bu son böyük turnirdə keçirəcəyi emosional anlar bukmekerlərin də diqqət mərkəzindədir.
Qeyd edək ki, Portuqaliya yığması DÇ-2026-da ilk matçını iyunun 17-də Konqo Demokratik Respublikası millisinə qarşı keçirəcək. Ronaldonun komandası ilə yanaşı, qrupda Özbəkistan və Kolumbiya yığmaları da mübarizə aparır.
Bundan əvvəl isə bukmeker kontorları Ronaldo ilə onun əbədi rəqibi, Argentina millisinin kapitanı Lionel Messinin bu dünya çempionatındakı məhsuldarlığının müqayisəsi üzrə mərc qəbuluna başlamışdılar. Hazırkı əmsallara görə, Messinin Ronaldodan daha çox qol vurma ehtimalı 1,76, portuqaliyalı forvardın argentinalını qabaqlama ehtimalı isə 3,70 reytinqlə qiymətləndirilir.
Xatırladaq ki, portuqaliyalı ulduz DÇ-2022-in 1/4 finalında Mərakəş millisinə 1:0 uduzduqları matçda da gözyaşlarına hakim ola bilməmişdi.
- İranda azərbaycanlı mollaların müəmmalı ölümləri...
- Onlar ölkəmizə qarşı qarayaxma kampaniyası aparır - MEDİA
- Yumurta boyda dolu yağdı - Video
- 33 il sonra Kəlbəcərin ilk məzunu - Foto
- Zeynəb Xanlarova həyat yoldaşından danışdı - Video
- Azərbaycanın 23 vətəndaşı Suriyadan repatriasiya olundu
- ADY regionlara əlavə qatar reysləri təyin etdi
- Naxçıvana uçan təyyarələr havaya görə geri qayıtdı