Norveç millisi 2026-cı il FIFA Dünya Çempionatında İraq üzərində 4:1 hesablı qələbə qazanmaqla yanaşı, turnir tarixində unikal rekorda da imza atıb.

“BUTA.TV” xəbər verir ki, 1998-ci ildən sonra ilk dəfə DÇ-də iştirak edən Skandinaviya təmsilçisinin heyətində Erlinq Haaland, Aleksandr Sörlot və Kristian Torstvedt eyni anda meydana çıxıblar.

Bununla da onlar DÇ tarixində atalarının yolunu birlikdə davam etdirən ilk üç futbolçu olublar.

Maraqlıdır ki, düz 32 il əvvəl, 1994-cü ildə ABŞ-də keçirilən Dünya Çempionatında Norveç millisinin heyətində Alf-İnge Haaland, Qoran Sörlot və Erik Torstvedt də birlikdə çıxış etmişdilər. Onlar 23 iyun 1994-cü ildə İtaliyaya qarşı oyunda eyni komandanın formasını geyinmişdilər.

Beləliklə, 2026-cı ildə yenidən ABŞ-də keçirilən mundialda onların oğulları Erlinq Haaland, Aleksandr Sörlot və Kristian Torstvedt eyni uğuru təkrarlayaraq, futbol tarixinin ən maraqlı hekayələrindən birinə imza atıblar.

Norveç DÇ tarixində heyətində eyni anda üç futbolçunun atasının da əvvəllər mundialda birlikdə çıxış etdiyi ilk milli komanda olub.

• DÇ matçında futbolçunun ayağı sındı - Dəhşətli anlar - Video
• Atalarının izi ilə gedən 3 oğul 32 il sonra eyni anda meydana çıxdı - Foto
• Bakı, Salyan və Masallının bu ərazilərində işıq olmayacaq
• Qurban Qurbanovun qovduğu Elvin ən bahalı azərbaycanlı futbolçudur
• Prezidentin sosial media hesablarında İİB ilə bağlı paylaşım - Video
• Naxçıvana iki reys ləğv edildi
• AZAL-ın bu uçuşları ləğv olundu - Səbəb havadır
• Prezident işsizlik səviyyəsindən danışdı - Diqqət mərkəzində olacaq