Arda Turanın baş məşqçisi olduğu “Şaxtyor” (Donetsk) Bursada “Bursaspor”la yoldaşlıq oyununda qarşılaşıb.
“BUTA.TV” xəbər verir ki, qarşılaşmadan əvvəl stadionda yaşananlar isə matçın özündən daha çox diqqət çəkib.
Bursa Böyükşəhər Bələdiyyə Stadionunu dolduran “Bursaspor” azarkeşləri Arda Turanı böyük coşqu ilə qarşılayıblar. Tribunalar gənc məşqçinin şərəfinə “Türkiyə səninlə fəxr edir” şüarları səsləndirib.
Azarkeşlərin sevgisinə biganə qalmayan Arda Turan tribunaya yaxınlaşaraq onları salamlayıb və alqışlarla cavab verib. Məşqçinin bu anlarda duyğulandığı diqqətdən qaçmayıb.
Matçdan əvvəl “Bursaspor” klubunun rəsmiləri Arda Turana gül dəstəsi təqdim ediblər. Klub rəhbərliyi Türkiyə futboluna verdiyi töhfələrə görə məşqçiyə təşəkkürünü bildirib.
Arda Turanın “Şaxtyor”un baş məşqçisi kimi Bursaya qayıdışı azarkeşlər üçün xüsusi an olub. A.Turana göstərilən böyük sevgi qarşılaşmanın ən yaddaqalan məqamlarından birinə çevrilib.
“Şaxtyor” klubunun instaqram hesabında da matçdan öncə yaşanan möhtəşən atmosferdən kadrlar paylaşılıb.
***
“Bursaspor” – “Şaxtyor Donetsk” matçı 0:0 hesablı heç-heçə ilə başa çatıb.
Tamaşaçıların böyük maraq göstərdiyi matçı stadionda 36 740 azarkeş izləyib.
Matçın final fitindən sonra azarkeşlər hər iki komandanın futbolçularını alqışlarla yola salıblar.
- Müdir maaşa görə etiraz edən işçini döyüb? - Video
- Bakının bu ərazilərində işıq olmayacaq
- “Dörd nəvəmin hamısı ADA-nı bitirib” - Video
- Bu görüntülər matçı kölgədə qoydu - Video
- Atası çevriliş cəhdinə görə həbs edildi - Oğlu prezidentliyə namizəd oldu
- 1055 kilometrlik yola Trampın adını verdilər - Video
- Füzulidə "Aerokosmik Modelçilik Festivalı 2026" keçirildi
- Bakıda temperatur 3-4 dərəcə enəcək