Kolumbiyanın yeni seçilən Prezidenti Abelardo de la Espriella ölkəsinin 14 ölkədəki səfirliyinin bağlanacağını açıqlayıb.

“BUTA.TV” xəbər verir ki, o bu barədə məlumatı “X” hesabında paylaşdığı videomüraciətdə açıqlayıb.

Sözügedən ölkələr arasında Azərbaycan da var. 

Onun sözlərinə görə, avqustun 7-də işə başlayacaq yeni prezident administrasiyası diplomatik şəbəkənin yenidən qurulmasının bir hissəsi olaraq Əlcəzair, Azərbaycan, Barbados, Kuba, Çexiya, Efiopiya, Qana, Haiti, Macarıstan, Malayziya, Nikaraqua, Rumıniya, Seneqal və Cənubi Afrikadakı səfirliklərin fəaliyyətini dayandıracaq. 

Yeni prezident həmçinin Kolumbiyanın Kuba və Nikaraqua ilə diplomatik əlaqələri kəsəcəyini vəd edib. 

Qeyd edək ki, 47 yaşlı Abelardo de la Espriella iyunda keçirilən seçkilərin ikinci turunda qalib gələrək Kolumbiya prezidenti seçilib.

• Təhlükəsizlik tədbirləri gücləndirildi - "Azneft"
• Bakıda güclü külək: xəsarət alanlar var
• Bakıda bu ərazidə yanğın başladı
• Xəzərdə batan müstəntiq vəzifəli şəxsin oğlu imiş - Foto
• Traktorun təkəri altında qaldı, öldü
• Bakıda güclü külək: 7 ağac sındı
• Ağdamın kəndlərində baş verən yanğınlar söndürüldü
• I yarımildə Qarabağ və Şərqi Zəngəzura nə qədər pul qoyulub?