Şəkidə iki gəncin ölümü ilə nəticələnən dəhşətli ziplayn qəzasından sonra “Şəki yaylası” istirahət mərkəzi qırılma iddiaları ilə bağlı görüntülər yayımlayıb.

“BUTA.TV” xəbər verir ki, hadisədən sonra səslənən ittihamlara istirahət mərkəzinin “Instagram” səhifəsində yayımlanan video vasitəsilə cavab verilib.

Görüntülərdə danışan mərkəz nümayəndəsi ziplayn xətlərində hər hansı qırılmanın olmadığını iddia edib:

“Ziplayn xətlərində qırılma yoxdur. Xətlər böyük hündürlükdən keçdiyi üçün həmin ərazidə sərt külək və burulğanlar yaranır. Dalğalanmalar nəticəsində xətlər böyük yük altında olmasına baxmayaraq yatağından çıxıb. Lakin bu xətlər sağlam formada dəmir hissəciklərə və beton maneələrə bağlanıb. Ziplaynın özünü kilidləmə mexanizmi var və yalnız 90 dərəcə dəyişəndən sonra açılır. Bu hadisənin necə baş verdiyi bizim üçün də qaranlıqdır. Ekstrim idman növü olduğu üçün belə bir acı təcrübə ilə ilk dəfə qarşılaşırıq”.

Mərkəz rəsmisi həmçinin əlavə edib ki, ziplaynın gəliş və gediş xətləri eyni qülləyə bərkidilib.

Daha ətraflı videoda:

• İsrail Hizbullah tunellərini partlatdı
• Zelenski ayın sonunda Trampla görüşə ümid edir
• “Bavariya” və “Yunayted”dən darmadağın, “Fənərbaxça”dan bərabərlik - ÇL-də gecənin nəticələri
• Bu ölkə Almaniyaya 40 milyardlıq investisiya yatıracaq
• BƏƏ-dən Əlcəzairin qərarlarına cavab
• “Şəki yaylası” 2 gəncin ölümünə səbəb olan qurğunu detallı göstərdi - Video
• İran və Səudiyyə arasında kritik telefon əlaqəsi
• 11 sentyabr terrorundan 25 il ötür