BUTA.TV xəbər verir ki, Bakıdakı "Burger King" restoranlarının fəaliyyətini dayandırdığı bildirilir.

İddialar ilə əlaqədar olaraq Marja.az-ın əməkdaşı "Dəniz Mall" ticarət və əyləncə mərkəzində olub və restoranın fəaliyyət göstərmədiyini müşahidə edib. Restoranın bağlı olması "texniki problem" ilə əlaqələndirilib.

Markanın müştəriləri digər ticarət və əyləncə mərkəzlərindəki "Burger King" restoranlarının da bağlı olduqlarını qeyd ediblər. Mətbuatda dərc edilmiş məlumatlara görə, Azərbaycanda da "Burger King"in françayzinq sahibi Türkiyənin "TAB Gida Sanayi ve Ticaret" şirkətidir. 

İlk "Burger King" restoranı 2018-ci ilin əvvəlində Bakıda "28 Mall"da açılmışdı. Daha bir restoran "Gənclik Mall", "Park Bulvar" və "Dəniz Mall"da "Burger King" restoranı açılıb.

Marja.az-ın araşdırmasına görə, "Wolt" çatdırılma xidməti də "Burger King" restoranları üzrə sifarişlərin çatdırılmasını qəbul etmir. Şirkətin saytında bu restoranlar "müvəqqəti oflayn" şəkildə göstərilir.

Eyni zamanda, "Bolt Food" çatdırılma xidməti də  "Burger King" üzrə sifarişləri qəbul etmir.

"Burger King Azerbaijan" adlı sosial şəbəkə səhifələri ötən ilin İyun ayından yenilənmir, burgerking.az saytı da açılmır.

• Ramiz Mehdiyevlə Ermənistanla necə əlaqə saxlayırmış?
• Yanğında həlak olan azyaşlı vəkilin qızı imiş
• Ölkədə breketə görə əsgərlikdən möhlət verilir? - Rəsmi
• 4 gəncin öldüyü “Lake Hotel”dən yeni xəbər var
• "Forbes" İranın gücünü müqayisə etdi: Siyahıda Azərbaycan da var
• Azərbaycan Türkiyə və Avstraliyanı bunun üçün təbrik etdi
• Gültəkin Hacıbəylinin Mehdiyev sevgisi: Gizli oyunlar...
• 1 milyona ev, 440 minə cip - Rektorun milyonluq xərci