Türkiyədə baş vermiş zəlzələdə, yanğınlarda, eləcə də digər ölkərdə əməkdaşlarımızın iştirakı o deməkdir ki, Azərbaycanda yaradılan bu qurum - Fövqəladə Hallar Nazirliyi tək Azərbaycan ərazisində deyil, beynəlxalq xilasetmə işlərində də yaxından iştirak edir.

BUTA.TV xəbər verir ki, bu sözləri fövqəladə hallar naziri Kəmaləddin Heydərov “Heydər Əliyev İli”nə həsr olunmuş “Fövqəladə hallar uşaqların gözü ilə” Respublika uşaq yaradıcılıq müsabiqəsinin qaliblərinin mükafatlandırma mərasimində deyib.

O qeyd edib ki, Türkiyədə baş vermiş dəhşətli zəlzələ ilə əlaqədar nazirliyin 940 əməkdaşı Türkiyəyə ezam olunmuşdu: "Onlar orda çox müxtəlif səpkili yardımlar göstəriblər”.

Qeyd edək ki, müsabiqənin keçirilməsində məqsəd uşaqlarda təhlükəsiz həyat fəaliyyəti mədəniyyətinin formalaşdırılması, ümumilikdə ictimaiyyətin diqqətinin məktəblilər arasında fövqəladə hal probleminə cəlb edilməsi, yetişməkdə olan gənc nəslin vətənpərvər ruhda tərbiyələnməsi, eləcə də istedadlı gənclərin üzə çıxarılması və onlara dəstəkdir.

Müsabiqəyə "Rəsm", "Plakat", "Əl işi", "Yanğın və xilasetmə texnikasının modeli", "Yumşaq oyuncaq" nominasiyaları üzrə işlər təqdim olunub.

• Rəşt–Astara dəmir yolu nə vaxt hazır olacaq? - İrandan açıqlama
• Bakı ilə Roma arasında hərbi əməkdaşlıq müzakirə olundu
• Prezidentin səhhəti pisləşəndə Mehdiyev Moskvaya zəng etdi
• Azərbaycanda Vatsap istifadəçilərinə xəbərdarlıq
• Bakının üç rayonunda qaz təchizatı dayandırılır
• Azərbaycan və Niderland arasında mühüm müzakirə
• FHN yanında İctimai şuranın üzvləri bir araya gəldi
• Ermənistanla sərhəddə mina partlayışı: XİN-dən reaksiya